Library
તમે આવ્યા તો સારું લાગ્યું !
તમે આવ્યા તો સારું લાગ્યું !
1 min
309
તમે આવ્યાને એટલે થોડું સારું લાગ્યું !
વાત કર્યા પછી મનને થોડું હળવું લાગ્યું.
હતું કેટકેટલુંય આ હૃદય મહી ભર્યું પડ્યું !
આંસુ વહી ગયું! હવે થોડું ખુલ્લું લાગ્યું.
જાણું છું ! એક તને ઘણી ફિકર છે મારી,
એટલેજ તો તને કહેવું મને યોગ્ય લાગ્યું.
ભલે આજ કોઈ હક નથી મને તારા પર,
તોય હકથી તને આ મળ્યા જેવું લાગ્યું !
આમ દૂર રહીને પણ મળવું ! ગમ્યું મને !
તારાથી વિશેષ મને, કોઈ મારું ના લાગ્યું.
