ના પૂછ કારણ

દૂર કરી મારાથી તને એકલું મૂકી જવું છે !

ના પૂછ શું છે કારણ, કહ્યા વગર જવું છે.

તકિયાની ધારને દાંતે દબાવી રડી લેજે ને !

રાતની સોડમાં તમને ઝૂરતા મૂકી જવું છે.

ના પૂછીશ ઈશને કે એવી તે શું ભૂલ કરી !

હજારો પ્રશ્ન વચ્ચે વિચારતા મૂકી જવું છે.

મૂંઝવણોના ડુંગર ઊભા કરી મનમાં તારા,

તારી આંખોથી દૂર ક્યાંક છૂપાઈ જવું છે !

સતત આવશે વિચારો મનને કોરી ખાવાને,

જીવતેજીવ એક આવું મૃત્યુ આપી જવું છે.