કરજે ને કોલ !

કરજે ને કોલ ક્યારેક ! તારી મન - મરજીએ !

થાય હરખ હૃદયને બે ઘડી એવી વાતો કરીશું.

હોય જે દિલમાં, એ વાત હોઠ પર લાવજે !

સાંભળીશ તને, પછી સાથે આંખો ભીની કરીશું.

ગાયબ તો નહીં પણ દર્દ ઓછું કરીશ એ પાક્કું !

હસતાં હસતાં આમજ મનને પણ મનાવી લઈશું.

જાણું છું ! ઘવાયું હૃદય તકલીફ વધુ આપે છે !

ભૂલાવી દરદ એનું પછી એને પણ હસાવી દઈશું.

હા! હસી કાઢવા જેવી જ હોય છે વાતો મારી,

ભલે મર્મ ના સમજાય, પણ હોઠને મલકાવી દઈશું.

કરજે ને કોલ ક્યારેક ! બહુ વિચારીશ નહિ,

થાય હરખ હૃદયને બે ઘડી એવી ઘણી વાતો કરીશું.