રોકી શક્યો હોત !

ગોઠવી લઉં છું જેમ શબ્દોને હું એક કવિતા માટે,

કદાચ જિંદગીને પણ એમ હું ગોઠવી શક્યો હોત !

ડગલે ને પગલે ઘણી અસ્ત-વ્યસ્ત બનતી જાય છે,

વિખરાઈ જતાં પહેલા કદાચ સાચવી શક્યો હોત !

શું હશે કારણ આમ થવાનું ? ના, નથી ખબર મને !

હોત જાણ અગર તો એ સવાલ ટાળી શક્યો હોત.

સમય કે કિસ્મત આને દોષ દઈ શું કરવું મારે હવે,

વહી ગયું, કદાચ પહેલા પાળ બાંધી શક્યો હોત !

બચ્યું છે જે કંઈ પણ ! હવે એજ ભાથું છે મારું !

કદાચ આ જિંદગીને પ્રેમ કરવાથી રોકી શક્યો હોત.