વિદાયના એ અવસર પછી
વિદાયના એ અવસર પછી
ચાર દીવાલો વચ્ચે સૂનકાર ફેલાઈ જશે !
ને ઘર આ ખાલી ઓરડો બની રહી જશે.
વિદાયના એ અવસર પછી ... !
ઝાંઝરનો એ રણકાર ક્યાંક સંતાઈ જશે !
ને આ ઘટનાઓ માત્ર યાદ બની રહી જશે.
વિદાયના એ અવસર પછી ... !
સર્વત્ર મૌન, આંખે ભીનાશ ઉભરાઈ જશે !
લાગણીઓ સઘળી પથ્થર બની રહી જશે.
વિદાયના એ અવસર પછી ... !
વિરહના દરદ નીચે ભૂખ પણ દબાઈ જશે !
થાળીનો રોટલો પછી ટાઢો પડી રહી જશે.
વિદાયના એ અવસર પછી ... !
એ લાલ આંખોની નીંદર પણ ખોવાઈ જશે !
દિનભર વરસ્યા પછી રાત જાગતી રહી જશે.
વિદાયના એ અવસર પછી ... !
થશે સવાર, પણ એ પગરવ હવે લપાઈ જશે !
પહાડ સમો બાપલીયો બિચારો બની રહી જશે.
વિદાયના એ અવસર પછી ... !