હૃદય
હૃદય
રખેને તૂટવા માટે જ સર્જાયું હશે હૃદય,
ને તૂટીને કેટકેટલું એ વલોપાયું હશે હૃદય,
શકેને અંતરે ઉત્પાતથી ધબકારા ચૂકનારું,
વણકહ્યું કેટલું એનામાં ધરબાયું હશે હૃદય,
ઊભરાય છે ચક્ષુઓનો લઈને સહારો વળી,
પોતાના જેવા ગણી એ ભરમાયું હશે હૃદય,
આમ તો વાસ એમાં પરમેશનો મનાય છે,
તોય પામી પીડા અસહ્ય ભરખાયું હશે હૃદય,
નથી વાચા એ જ મર્યાદા એની એને નડતી,
કોઈ સાચા પ્રેમીજનથી પરખાયું હશે હૃદય.