મૂલ્યોનું થયું હનન

જ્યાં ગુલામીનું ઝેર કોઠે પડી જાય

ત્યાં મરવા પડે છે માનવતા,

હાય રે કરમની કઠણાઈ

કેમ સદી ગઈ પરતંત્રતા ?

હવે થવાં મુક્ત ગાંધીબાપુની રાહ જુએ..!

જ્યાં મૂલ્યો જીવનનાં વેંચાય મફતમાં

ત્યાં પતન પામે છે માનવતા

હાય રે કરમની કઠણાઈ

કેમ ખરડાઈ અંતરાત્મા ?

હવે કાઢવા દાગ ગાંધીબાપુની રાહ જુએ..!

જ્યાં સ્વાર્થ કાજે સ્વધર્મ ભૂલાય

ત્યાં ગ્લાનિ પામે છે માનવતા

હાય રે કરમની કઠણાઈ

કેમ ધોવાઈ સંસ્કારિતા ?

હવે બનવા માનવ ગાંધીબાપુની રાહ જુએ..!

જ્યાં બની પરમેશ્વર પૈસો પૂજાય

ત્યાં પથ્થર બને છે માનવતા

હાય રે કરમની કઠણાઈ

શીખવ્યો ત્યાગ એને જ પૂર્યો પૈસામાં

હવે થવા મુક્ત નોટમાંથી ગાંધીબાપુ રાહ જુએ !