મહામારી

કોરોના સમયનું વાતાવરણ હતું ડરામણું,

સ્થિતિ એવી સર્જાઈ ન કોઈ ઘરનું ન ઘાટનું,

માનવજાત પૂરાઈ ગઈ ઘરમાં ને દવાખાને,

જઈ ન શકે કોઈ બહાર રમવા કે ફરવા રે,

માનવ માનવને ન તો મળતો કે અડકતો,

લેવા સૌ કોઈ દવા આમ તેમ ભટકતું,

સર્જાઈ રોજગારીને ચીજવસ્તુઓની હાલાકી,

આખા વિશ્વને લીધી ભરડામાં તેવી મહામારી !

જોવા મળ્યો ચારે તરફ લોકડાઉનનો નજારો,

ગયા પ્રાણ અનેક ને રજળી લાશો હજારો,

સૌ કોઈમાં દેખાયા ભય ને બચવાના પડકારો,

હે પ્રભુ ! કદી ના દેખાડો આવો કપરો નજારો.