સ્વપ્ન

ચાંદની રાત હોય,

દરિયા કિનારો હોય,

મોતીની રેત હોય,

રૂપેરી દુનિયા હોય.

મંદમંદ શીતળ પવન હોય,

તારા ખોળામાં મારું શીશ હોય,

મારા હાથમાં ગઝલનું પુસ્તક હોય,

મારું ધ્યાન ગઝલમાં હોય.

તારું ધ્યાન મારા ચહેરા ઉપર હોય,

હું ખોવાયેલી મારી ગઝલમાં હોઉં,

તું મારી ગઝલના નશામાં હોય,

કોઈ ન આસપાસ હોય.

ચાંદની રાત હોય,

દરિયા કિનારો હોય,

મોતીની રેત હોય,

એક તું હોય,

એક હું હોઉં.

પથારીમાં પડી,

આ અધમીંચી આંખે જોયેલુ સ્વપ્ન,

કદી પૂરું થશે ખરું ?