વાત કરવી છે

કાનમાં તુજ એક છાની વાત કરવી છે

આવ મારે આજ નાની વાત કરવી છે

સાંભળે ના એ હવા, ના સાંભળે ઝરણા

આવ તું તો એક મજાની વાત કરવી છે

શું ઈશારા એ કરે છે આ નયન તારા

બોલને તું આજ શાની વાત કરવી છે ?

ફૂલને શું આ ભ્રમર કહે છે જરા સાંભળ

લો ભ્રમર જેવી સુહાની વાત કરવી છે

ફૂલની પીંછી ફરી જ્યારે નયન પર મુજ

ભાન ભૂલી એ નશા ની વાત કરવી છે.

નામ મેંદીથી લખ્યું તારું હથેળીમાં

કેમ વીતે આ જવાની, વાત કરવી છે

ખૂબ સપના યાદ આવે છે હવે એને

મૌન તોડ્યું છે તો શાની વાત કરવી છે