ଯା' ଯାଆରେ ଗୁଡ଼ି ଯା'
ଯା' ଯାଆରେ ଗୁଡ଼ି ଯା'
ଯା' ଯାଆରେ ଗୁଡ଼ି ଯା'
ଦୂର ଆକାଶେ ଉଡ଼ି ଯା'
ସେଇଠି ପରା ଜହ୍ନ ରାଇଜ,
କରିବୁ ଯାଇ ମନ ମଉଜ ।
ସଞ୍ଜ ହୋଇଲେ ତାରାଙ୍କ ମେଳେ,
କଣେଇ ଟିକେ ଚାହିଁବୁ ତଳେ ।
ସରାଗେ ଆଖି ମିଟିକା ମାରି
ଡାକିବୁ ମୋତେ ଆ' ।
ଯା' ଯାଆରେ ଗୁଡ଼ି ଯା'
ଦୂର ଆକାଶେ ଉଡ଼ି ଯା' ।
ସୁରୁଜ ଦୂର ଆକାଶେ ଥାଇ,
ନଦୀ, ସାଗର ଜଳକୁ ନେଇ ।
ବଉଦ କରି ଅଛନ୍ତି ରଖି,
ଚଳପ୍ରଚଳ କରିବୁ ଦେଖି ।
କଳା ମେଘଟି ବରଷା ହୋଇ,
ଝରଇ ଯେବେ ହସଇ ମହୀ ।
ଭିଜିଲେ ଜଳେ ପଡ଼ିବୁ ତଳେ
ଆଗୁଁ ସଜାଗ ଥା'।
ଯା' ଯାଆରେ ଗୁଡ଼ି ଯା'
ଦୂର ଆକାଶେ ଉଡ଼ି ଯା' ।