ଅଭିଳାଷ
ଅଭିଳାଷ
ହଜିଯାଇଥିଲେ
ଖୋଜିବାକୁ ହୁଏ
ପାଇବାର ଅଭିଳାଷେ
ପାଇଗଲେ ଥରେ
କୋଟିନିଧି ମିଳେ
ସନ୍ତୁଷ୍ଟିର ଅନୁପ୍ରାସେ.l
ଖୋଜିବା ହୃଦୟ
ଏକା ଅନୁଭବେ
ଖୋଜିବାର ବ୍ୟାକୁଳତା
ଆନ କେ ବୁଝିବ
ଗୋପନ ବେଦନା
ଅଜ୍ଞାତ ସେ ନୀରବତା.l
ନୀରବତା ବୁଝେ
ନୀରବର ଭାଷା
ହୃଦୟକୁ ଛୁଇଁ ଯାଏ
ଭିଜିଯାଏ ଆଖି
ଗୋପନେ ଏକାନ୍ତେ
ଓଠ କିନ୍ତୁ ହସୁଥାଏ.l
ମନ ଯାଯାବର
ରଖେନା ଖବର
ପାପ ପୂଣ୍ୟ ଅଭିଧାନ
ହୃଦୟ ପୁସ୍ତକେ
ବ୍ୟଥାର କାହାଣୀ
ଅଦୃଶ୍ୟ ଗୁପ୍ତେ ଗୋପନ.l
ସବୁ ବାଟ କେବେ
ବତାଇ ପାରେନି
ଠିକ ଭୁଲ ପାଖ ଦୂର
ମିଛ ମଣିଷର
ମୁଖା ତଳେ ଥିବା
ପରିଚୟ ବାଟୋଇର.l
ସବୁ ସମ୍ପର୍କରେ
ଲୁଚିଥାଏ ସ୍ୱାର୍ଥ
ହୃଦୟ ପାରେନି ବୁଝି
ସମ୍ମୋହନେ ଭିଜେ
ଆବାହନେ ହଜେ
କପଟ ଛନ୍ଦରେ ମଜ୍ଜି l
ବାଟ କିବା ବୁଝେ
କାହାର ହୃଦୟ
ଛଳନା କି ପ୍ରତାରଣା
କିଏ କେଉଁ ଛଳେ
ହାତ ଧରି ଚାଲେ
କରିପାରେନି କଳନା.l
ଆଖି ଭୁଲିଯାଏ
ହୃଦୟ ଭୁଲେନି
ଲହୁଭିଜା ଉପନ୍ୟାସ
ପୃଷ୍ଠା ପରେ ପୃଷ୍ଠା
ସାଇତି ରଖେ ସେ
ଅଲିଭା ସେ ଇତିହାସ.ହଜି I