ପ୍ରତାରଣା

ଜହ୍ନ ହୃଦୟରେ 

କାହା ପ୍ରତିଛବି 

ଝାପସା ହାଲୁକା ଦିଶେ, 

ବିରହ ବିଧୁରା 

ଅଶ୍ରୁ ବିନ୍ଦୁ ସବୁ 

କାକର ଟୋପାରେ ଖସେ l

ଉଦାସ ଚାହାଣୀ 

ଗୋପନ କାହାଣୀ 

କବିତାର ଛନ୍ଦ ପରି, 

ସିକ୍ତ ଶିଶିରରେ 

ଓଦା ମନ ତଳେ 

କୋହ ସବୁ ଯାଏ ଭରି l

ଦୂର ସରୋବରେ 

ଚାତକ ପରାଏ 

ଆଙ୍କି ଥାଏ ଯିଏ ଛବି 

ପ୍ରିୟତମ ପଥ 

ବ୍ୟାକୁଳ ଅନ୍ତରେ 

କଳ୍ପନା ରେ ଥାଏ ଭାବି l

ଲକ୍ଷେ ତାରା ମଧ୍ୟେ 

ଖେଳେ ଲୁଚକାଳି 

ବଉଦ ଉହାଡେ କାହିଁ 

ପ୍ରତାରକ ସିଏ 

ବୁଝେନାହିଁ ମନ 

କୁମୁଦିନୀ ହୃଦେ ରହି l

ହୃଦୟ ତରଙ୍ଗେ 

କାହା ପ୍ରୀତି ଝରେ 

କା ଲାଗି ଝୁରଇ ସିଏ 

ହସରେ ତାହାର 

ଯନ୍ତ୍ରଣା ଫୁଟଇ 

ଜୋଛନା ରେ ଝରିଯାଏ l