ହୃଦୟର ବାର୍ତ୍ତା

🌹🌹⚕️⚕️⚕️କିଛି କଥା କିଛି ବ୍ୟଥା ⚕️⚕️⚕️
   ସ୍ମୃତି ନଦୀ ତୀରେ
     ସ୍ବପ୍ନ ଉଙ୍କିମାରେ
        ଅଲେଖା କାହାଣୀ
           କିଛି ଅଧାଲେଖା
              ମାନସ ପଟରେ ବାକି,
 ମନ ଝୁରେ ଏଠି
    ଦୀର୍ଘଶ୍ୱାସେ ଭରେ
       ଅତୀତର ଗାଥା
          ଜଳାଏ ନିର୍ଜନେ
            ଲୋତକ କୁ ଆଣେ ଡାକି !
ଅଙ୍କା ବଙ୍କା ସବୁ
    ଜୀବନର ଅଙ୍କ
       ଶୂନ୍ୟ ସବୁ ଏଠି
           ନିଷିଦ୍ଧ ନିଶବ୍ଦ
              ସମ୍ଭାବନା କାହିଁ ଦୂରେ,
ଅବାସ୍ତବ ସବୁ
    ସ୍ବପ୍ନ ପଟୁଆର
        କଳ୍ପନା ଜୁଆର
        . ଅପହଞ୍ଚ ଆଶା
            ତଥାପି ହୃଦୟ ଝୁରେ !
ତିଳ ତିଳ ହୋଇ
   ସ୍ବପ୍ନ ଏଠି ଜଳେ
      ହୃଦୟର ଭାଷା
           ଦଗ୍ଧୀଭୂତ ହୁଏ
              ଅଦେଖା ଅଚିନ୍ହା ଗୀତି,
ଅପାସୋରା ସ୍ମୃତି
    ଅଭୁଲା ଅଲିଭା
      ଝରାଏ ଲୋତକ
          ମାନସ ଦର୍ପଣେ
            ଜଳିବାରେ ନାହିଁ ଇତି !

ସୁଜାତା ଦାସ
ବାଲେଶ୍ୱର🌹🌹🌹🌹