ପାନ୍ଥଶାଳା

ପାନ୍ଥଶାଳା
♻️💥♻️💥♻️💢♻️💢
ପାନ୍ଥଶାଳା ସାଜି,,,,,, 
     ଆଦରି ନେଇଛି,,,,,, 
         କଳଙ୍କ ର ସବୁ କଳା, 
ଅଙ୍ଗେ ଅଙ୍ଗେ ମୋର,,,, 
     ଘନ କଳା ଛାଇ,,,,,, 
         ଅଙ୍ଗାରରେ ଦେହ ବୋଳା l
ଅଭିଶପ୍ତ ମୁଁ ଯେ,,,,, 
     ଦିବସ କିରଣେ,,,,, 
         କଣ୍ଟକିତ ତନୁ ମୋର, 
ତିମିର ଅନ୍ଧାର,,,,, 
    ଶୀତଳତା ଭରେ,,, 
        ଲାଗେ ଭାରି ଆପଣାର l
ଅଜଣା ପଥିକ,,,,, 
    ଠିକଣା ହଜିଲେ,,,, 
        ବିଶ୍ୱ କରେ ପରିହାସ, 
ବିଶ୍ୱ ଦରବାରେ,,,, 
    ହୀନ ନଗନ୍ୟ ମୁଁ,,,, 
       କଳଙ୍କିତ ଇତିହାସ l
ପାନ୍ଥଶାଳା କେବେ,,,,, 
     ପଚାରି ବୁଝେନି,,,,, 
         ପଥିକ ର ମନ କଥା, 
ଅଜାଣତେ କେବେ,,,,,, 
    ଭାବନାରେ ଭାସି,,,,, 
        ଶୁଣି ବସେ କାହା ବ୍ୟଥା l
ରଖେନାହିଁ କେବେ,,,,, 
     କାହାସାଥେ ଭାବ,,,,, 
        ନିଜ ଦୁଖେ ଥାଏ ମଜ୍ଜି, 
ଚାହିଁନି ବି କେବେ,,,,,, 
     ପ୍ରଣୟ ବର୍ଷାରେ,,,,, 
        ଯିବା ପାଇଁ ଟିକେ ଭିଜି l
ପଥ ହୁଡ଼ି କେହି,,,,, 
    ଆସି ଫେରିଯାଏ,,,,, 
         କାନ୍ଥରେ ଲେଖିତା ଠିକଣା, 
କାଳ ବୈଶାଖୀରେ,,,, 
    ଲିଭିଯାଏ ଯେବେ,,,,, 
        ମନ କରିନାହିଁ ଉଣା l