ଶ୍ରାବଣ

ଶ୍ରାବଣ 
*********
*********

ହଁ.ମୁଁ ଜାଣିଥିଲି 
   ଫେରିଯିବ ଦିନେ 
       ଶ୍ରାବଣ ତା ଠିକଣାରେ 
କମିଯିବ ଯେବେ 
   ମୌସୁମୀର ମୋହ 
        ହୃଦୟର ଅଗଣାରେ l
ବରଷାକୁ କାହିଁ 
    ଭରସା ପାଏନି 
         କେବେ ଆସେ କେବେ ଯାଏ 
କେବେ ଅନୁରାଗ 
    କେବେ ପୁଣି ବ୍ୟଥା 
        ହୃଦୟରେ ଭରିଦିଏ 
ସିଏ ଯାଯାବର 
    ନ ଥାଏ ଖବର 
        ଖୋଜିଲେ ମିଳେନି କେବେ 
ତା ଇଛାରେ ଆସି 
    ଯାଏ ସେ ବରଷି 
         ମନେ ପଡ଼ିଯାଏ ଯେବେ l
ବୈଶାଖୀ ସାଥିରେ 
     କେବେ ରଚେ ଭାବ 
          ଇଚ୍ଛାରେ ବରଷି ଯାଏ 
ଶୀତ ସକାଳରେ 
     ଲଘୁଚାପ ସାଜି 
          ଝୁମି ଝୁମି ନାଚିଯାଏ l
ସେଥିପାଇଁ ପରା 
    ରଚିନାହିଁ ଭାବ 
         ହୃଦୟେ ଅlଙ୍କିନି ଛବି 
ଲେଖିନି କବିତା 
    ବିରହରେ ଭିଜି 
         ଏକାନ୍ତରେ ତାକୁ ଭାବି l


ସୁଜାତା ଦାସ 
ବାଲେଶ୍ୱର