କଳା ଗୋସାଇଁ

🙏🌹କଳାଗୋସାଇଁ 🌹🙏
🙏🌹🌹🙏🌹🌹🙏
କାହା ପାଇଁ ଧନ 
   ଅଟକି ଯାଇଛ 
       ବଡଦାଣ୍ଡେ ନୀରବରେ 
ଭକତ ଦାସିଆ 
   ପରି କେ ଭକତ 
       ଡାକିଲା କି ଥାଇ ଦୂରେ l
ରହିଲା କି ବାକି 
    ଆଉ କର୍ମ କିଛି 
        ରଥରୁଢ଼ ଆଗୁ ଧନ 
ନିତୀ କାନ୍ତି ଭୋଗ 
    ନୈବେଦ୍ୟ ସେବାରେ 
         କରିଛ କି ଅଭିମାନ l
ଅପେକ୍ଷାରେ କେହି 
   ଦେଇଛି କି କଣ୍ଟ 
        ଜାଳି ଲୁହର ଦୀପାଳି 
ଲକ୍ଷେ ହୃଦୟର 
   ମଉଡମଣୀ ହେ 
         ଶ୍ରୀମୁଖ ଯାଏ ଝାଉଁଳି l
ମନେ ପଡ଼ିଲେକି
     ଭକ୍ତ ସାଲବେଗ
         ବନ୍ଧୁ ମହାନ୍ତିଙ୍କ କଥା
ବାଲିରଥେ ତୁମେ
    ବିଜେ କରିଥିଲ
        ଭାବି ମନେ ହୁଏ ବ୍ୟଥା l
ପ୍ରଭୁ ହଳପାଣୀ
     ସୁଭଦ୍ରା ଭଉଣୀ
          ସୁଦର୍ଶନ ସାଥେ ଥାଇ
ଗୋପନେ କା ଲାଗି
     ହେଉଛ ସନ୍ତାପି
           ଖୋଲି କୁହ କଳାସାଇଁ l
ଭକତ ଡାକୁଛି 
    ମଣିମା ମଣିମା 
       ଗୁହାରି ଶୁଣିମା ହେଉ
ରାଗ ଅଭିମାନ 
    ଦୋଷ କ୍ଷମା କରି 
         ବଢ଼ି ଚାଲ ମହାବାହୁ l
ଦେଖିବାକୁ ଟିକେ 
    ନୟନ ପୁରାଇ 
        ଚାହିଁଛନ୍ତି କେତେ ଭକ୍ତ 
ମଣିଷ ଜନମୁ
   ମୋକ୍ଷ ମିଳିଯିବ
       ଆତ୍ମା ହୋଇଯିବ ମୁକ୍ତ l

ସୁଜାତା ଦାସ 
ବାଲେଶ୍ୱର