କାମନା
କାମନା
କାମନା କରୁଛି କେତେ ମହାବାହୁ
କାମନା କରୁଛି କେତେ
ସଂସାର ନଈରେ ନାଉରୀଟେ କରି
ଦୁଃଖ କାହିଁ ଦିଅ ଏତେ।
ଜୀବନଟା ଯେ ଦୁଃଖ କଷ୍ଟ ରେ ଭରା
ଜାଣି ମୁଁ ନଥିଲି ଏହା
ବାଟେ ଯାଉଯାଉ ପାଦ ଖସିଯାଏ
ଜାଣି ହୁଏ ନାହିଁ ପରା।
ହସଖୁସିର ସଂସାରରେ ଦୁଃଖ
ଝଡ଼ ପରି ମାଡ଼ି ଆସେ
ସଂସାର ନଈରେ ନାଉରୀ ଟେ କରି
ଦୁଃଖ କାହିଁ ଦିଅ ଏତେ।
ଜୀବନ ଜଞ୍ଜାଳ ଅଟେ ସାତସିନ୍ଧୁ
ପାରି କରିଦିଅ ତୁମେ ହୋଇ ବନ୍ଧୁ
ବନ୍ଧୁଟିଏ ହୋଇ ବିଶ୍ବାସ ଘାତକ
କରୁଛ କାହିଁକି ମୋତେ
ସଂସାର ନଈରେ ନାଉରୀ ଟେ କରି
ଦୁଃଖ କାହିଁ ଦିଅ ଏତେ।