ଡିସେମ୍ବର

ଡିସେମ୍ବର

ବନ୍ଦ୍ ଡାଏରିର ଦି ଫର୍ଦ୍ଦ କଥା 

ଭିଜା ପଉଷର ଆଖି ପତା ତଳେ 

ନିଖୋଜ ସ୍ୱପ୍ନର ଅକୁହା ବ୍ୟଥା !

ଡିସେମ୍ବର

କବି ଲେଖନୀର ଧାଡି ଭାଙ୍ଗୁଥିବା 

ଅସଜଡା ଶବ୍ଦମାଳା କେଇଟା 

ଚିନ୍ତା ଚେତନାର ବାଡ଼ ଡେଇଁଥିବା

ନୀରବ ମନର ଦୁସ୍ଥ ସଂହିତା !

ଡିସେମ୍ବର

ରକ୍ତିମ ଅଧରୁ ଝରିପଡିଥିବା 

ପ୍ରିତୀ ପଳାଶର ଶେଷ ପାଖୁଡା 

ମାୟା ତଟିନୀରେ ସ୍ନାନ କରୁଥିବା 

ଲୁହ ଓ କୋହର କ୍ଲାନ୍ତ ଗରଡ଼ା !

ଡିସେମ୍ବର

ବାଟ ଚାଲୁଚାଲୁ ହାତ ଛାଡିଥିବା 

ଅଭାଗିନୀର ସେ ସିନ୍ଦୁର ଟୋପା 

ମାଞ୍ଜା ସୂତା ହୋଇ ବେକ କାଟିଦେଲା 

ଏମିତି ପୁଣି ସେ ନିଷ୍ଠୁର ବାର୍ତ୍ତା !

ଡିସେମ୍ବର

ଅନୀତି ,ଦୁର୍ନୀତି ,ଭ୍ରଷ୍ଟାଚାରୀ ପ୍ରିତୀ

ସବୁକୁ କଲା ସେ ରଥର ସଖା 

ଚାତକ ପରିକା ଜନତା ଚାହିଁଛି 

ହୁଗୁଳି ଗଲାଣି ପ୍ରଗତି ଚକା !

ଡିସେମ୍ବର

ଗାଧୁଆ ତୁଠରେ ଅଧୁଆ ମୁହଁରେ 

ଆଙ୍କୁଥିଲା ସିଏ ଯେତେ ଜ୍ୟାମିତି 

ପିଲା ଭାସ୍କରର କଅଁଳ ଚିତ୍ତକୁ 

ପରାଗ ଗ୍ରାସଇ ଠିକ୍ ଯେମିତି !

ଡିସେମ୍ବର

କାନ୍ଥ କ୍ୟାଲେଣ୍ଡର ଲେଉଟା ପୃଷ୍ଠାରେ 

ସୁଖ ଦୁଃଖର ସେ ଶେଷ ଅତିଥି 

କେତେ କର୍ମ କଲା କେତେ ଧର୍ମ କଲା 

ଇତିହାସ ଦେବ କାଲି ତା ସାକ୍ଷୀ ।।