ସ୍ବର୍ଗପ୍ରାପ୍ତି

ସ୍ବର୍ଗ ତୁମ ହାତ ପାହାନ୍ତାରେ

ତାକୁ କେଉଁଠି ଖୋଜୁଛ ଯେ ?

ଥରେ ପ୍ରକୃତ ମଣିଷ ହୋଇ ଦେଖ

ଦେଖିବ ତୁମେ ବି ସେ ଦୁନିଆକୁ ପହଞ୍ଚିଯିବ

କେତେ ଆଗନ୍ତୁକ ଖୁସି ଯେ,

ତୁମ ଭିତରେ ପ୍ରଷ୍ପୁଟିତ ହେବେ !

କାମନା ବାସନା ଯେ କ୍ଷଣିକ ତଥାପି

ମନ ଗହନରେ କାଳକାଳଯାଏ ତିଷ୍ଟିରହେ 

ଶାନ୍ତ ହୃଦୟର ଧର୍ଯ୍ୟ ସେମିତି

ତୁମ ଅବ୍ୟକ୍ତ ହୃଦୟକୁ ଚିରକାଳ କରିପାରିବ

ସେ ଶାନ୍ତିର ସନ୍ଧାନରେ ସ୍ବର୍ଗପ୍ରାପ୍ତି ସମ୍ଭବ ।

ଫୁଳଟିଏ ଯେପରି ରଙ୍ଗବେଶ ଦେଖେ ନାହିଁ

ତୁମେ ବି ସେପରି ରଙ୍ଗବେଶକୁ ଭୁଲି ଯାଅ 

ଆତ୍ମିୟ ଅନନ୍ତର ସନ୍ଧାନ ଖୋଜ

ଥରେ କୁଟିରରେ ଖୁସି ବାଣ୍ଟି ଦେଖ

ଲାଭକ୍ଷତିର ହିସାବ ଶିଘ୍ର ମିଳିଯିବ ।

ତୁମେ ଆନନ୍ଦିତ ଦୁଃଖି ହେବା ସ୍ବାଭାବିକ

ଦୁନିଆ ବଜାରରେ ବଞ୍ଚିଛ ମାନେ

ତୁମର ମୂଲ୍ୟ ବି କମ୍ ଅଧିକା ହୋଇପାରେ

ଭୁଲିଯାଅ ନାହିଁ ଯେ ତୁମେ ହିଁ ଶ୍ରେଷ୍ଠ ଜୀବ

ତୁମ ହାତମୁଠାରେ ସ୍ବର୍ଗ ନର୍କର ଚାବି ଅଛି ।।