ବିଗିଡି ଯାଇଥିବା ସଂପର୍କ

ଭୁଲ ଭୁଲ ଭୁଲ... 

ତମେ ଔକାତ ଦେଖାଇ ପାର

ହେଲେ ଭୁଲ ବୁଝିବନି କାହିଁକି 

ଥରୁଟେ ଶୁଣିବାକୁ କାନ ଦିଅ

ଭୁଲର ପ୍ରାୟଶ୍ଚିତ କରିନେବି

ନଚେତ୍...

ଚିର ଆଶାୟୀଟିଏ ହୋଇଯିବି ।

ଅନ୍ୟର ଭୁଲରେ 

ଦ୍ରୌପଦୀ ଦିନେ କଷ୍ଟ ସହିଲେ ସିନା

ସଂସାରକୁ ବୁଝାଇ ଦେଲେ ଯେ

ଅବୁଝା ଭୁଲରେ କୌରବଙ୍କ ସ୍ଥିତି 

ଏଠି ମହାଭାରତ ହେବା କଥା କହୁନି

ହୋଇଥିଲା ବୋଲି ତୁମେ ବୁଝିଯାଅ । 

ଆଜି ମୋର ଭୁଲ ହୋଇଛି 

କାଲି ତୁମର ବି ହୋଇପାରେ 

ଆଜି ମୁଁ ସ୍ବୀକାର କରୁଛି

କାଲି ତୁମେ ବି ସ୍ବୀକାର କରିବ

ବିଗିଡି ଯାଇଥିବା ସଂପର୍କକୁ

ଆମେ ମିଶି ଏମିତି ସଜାଡ଼ି ନେବା ।