ମନର ମାନସୀ
ମନର ମାନସୀ
ସ୍ମୃତି କେବେ ଫେରେ ଗାଁ ନଈ ଧାରେ
ସପନ ନାଆରେ ବସି
ସ୍ମୃତି କେବେ ଫେରେ ଗାଁ ମନ୍ଦିରରେ
ସାଜି ମନର ମାନସୀ (1)
ସ୍ମୃତି କେବେ ଫେରେ ଘର ଅଗଣାରେ
ଗଭାରେ ଗଜରା ଖୋସି
ସ୍ମୃତି କେବେ ଫେରେ ପୁନେଇଁ ରାତିରେ
ଜହ୍ନ ଆଲୁଅରେ ହସି (2)
ସ୍ମୃତି କେବେ ଫେରେ ଅମାନିଆଁ ହୋଇ
ସେଇ ଝଂକା ବାର ତଳେ
ସ୍ମୃତି କେବେ ଫେରେ ସଜଳ ଆଖିରେ
ମାଆ ର ପେଣତ ତଳେ (3)
ସ୍ମୃତି କେବେ ଫେରେ ଅବା ଫେରେ ନାହିଁ
ଜୀବନ ବାଟରେ ଥରେ
ଆମାନିଆଁ ମନ ତଥାପି କାହିଁକି
ଗଲାସେ ଅତୀତ ଝୁରେ (4)
ସ୍ମୃତି ଟି ମୋହର ଅତି ଆପଣାର
ରହିଛି ନିଜର ହୋଇ
ଜୀବନ ବାଟରେ ତାପରି ବନ୍ଧୁଟେ
କେବେ ମୁଁ ତ ପାଇଁ ନାହିଁ (5)