ମୋ ପ୍ରିୟାଠାରୁ କେ' ସୁନ୍ଦର ଅଛି
ମୋ ପ୍ରିୟାଠାରୁ କେ' ସୁନ୍ଦର ଅଛି
ମୋ ପ୍ରିୟାଠାରୁ କେ' ସୁନ୍ଦର ଅଛି
ଆଭାକାନ୍ତ ମହାନ୍ତି
ମୋ ପ୍ରିୟାଠାରୁ କେ' ସୁନ୍ଦର ଅଛି
ଦେଖିନି ଜଗତସାରା,
ସରି ନୁହେଁ ଜହ୍ନ, ସରି ନୁହେଁ ତାରା
ନୁହେଁ ବି ବିଜୁଳିଧାରା । ୦ ।
ସେ ତ ବରଷାରେ ବନ-ଝରଣା
ସେ ତ ଅଭୁଲା ସଂଗୀତ ପୁରୁଣା,
ସ୍ନେହେ ବସନ୍ତର ମଳୟ ସୁରଭି
ଜିଦିରେ ନିଦାଘ ଖରା । ୧ ।
ସେ ତ ଅଭିମାନେ ହିମ କରକା
ସେ ତ ପ୍ରୀତିରେ ପୂର୍ଣ୍ଣିମା ଝରକା,
ବାତ୍ସଲ୍ୟେ ପ୍ରେମର ପାରାବାର ସେ ତ
ବନ୍ଧୁତ୍ୱେ ଅମିୟ ଧାରା । ୨ ।
ସେ ତ କର୍ତ୍ତବ୍ୟରେ ବିନ୍ଧ୍ୟ ପର୍ବତ
ସେ ତ ଧଇର୍ଯ୍ୟରେ ଭୀଷ୍ମ ଶପଥ,
ସେ ମୋ ଜୀବନର ପୂର୍ଣ୍ଣ ପୁଣ୍ୟତୋୟା
ବାଂଛିତ ଅର୍ଦ୍ଧାଙ୍ଗୀ କାରା । ୩ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****