Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

kahnu charan sahu

Romance Fantasy


3.0  

kahnu charan sahu

Romance Fantasy


ଅ-ପ୍ରେମ

ଅ-ପ୍ରେମ

1 min 593 1 min 593


ଅଜବ ଏ ଶବ୍ଦ

ଅନେକ ଭାବନାର ଗନ୍ତାଘର

ଅସହ୍ୟ ଯନ୍ତ୍ରଣାକୁ କରିପାରେ 

ନିମିଷକେ ଦୂର ।


ଅଦ୍ଭୁତ ଏ ଶବ୍ଦର ରହସ୍ୟ

ଅଜାଡ଼ିଦିଏ ଦୁନିଆର

ଅମାପ ସ୍ନେହ, ମମତା

ହଜିଯାଏ କ୍ଳେଶ ହୃଦୟର ।


ଅଭେଦ ସବୁକିଛି

ଅନେକ ପାଲଟି ଯାଆନ୍ତି 

ଅମଣିଷରୁ ମହାନ

ଅହିଂସାର ରକ୍ଷକ ହୋଇ

ଅଂହ ଭାବନାକୁ,,,,

ପାଦେ ଦଳିଦେଇ ।


ଅନ୍ୱେଷଣ କରିଚାଲେ

ଅବିରତ ହୃଦୟରେ

ଅଚାନକ କିଛି ଘଟିବାର

କରିବସେ ଭୁଲ କେବେ କ୍ଷଣକରେ  ।


ଅପେକ୍ଷାରେ ଦୁଇପକ୍ଷୀ

ଅନ୍ଧକାରେ ହେବାକୁ ଛନ୍ଦି

ଅଲୌକିକ କିଛି ଘଟି ଯାଆନ୍ତା କି ଭାବୁ ଭାବୁ

ହୋଇଯାଆନ୍ତି ସମୟର ବନ୍ଦୀ ।


ଅନୁଭବର ଚରମ ସୀମାରେ

ଅଧିକରୁ ଅଧିକ ପାଇବାର ଆଶାରେ

ଅଭ୍ୟାସର ସ୍ପର୍ଶରେ ଆସି

ରାଜୁତି କରିବସନ୍ତି ସମାଜର ବାହାରେ ।


ଅରାଜକତା ଦେଖାଦିଏ

ଅହେତୁକ ସହରେ ମନ,ପ୍ରାଣ ଓ ଦେହ ହଜିଗଲା ପରେ

ଅନେକ ପାପ ପୁଣ୍ୟରେ ବଦଳି ଯାଏ

ଭୟଙ୍କର ପରିଣାମ ଯେ ଶୀର୍ଷରେ ।


ଅରଣ୍ୟେ ବୃଥା

ଅମ୍ବରର ଆଡ଼ମ୍ବର

ଅସହାୟ ଆପଣେଇନିଏ

କୁକର୍ମ ନ ଚାହିଁ ଦୁନିଆର ।


ଅଗଣା ବି ଦିନେ

ଅସ୍ତିତ୍ବ ହରେଇ ବସେ

ଅଦିନିଆ ମେଘରେ ଭିଜିଲା ପରେ

ଅଜନ୍ମ ପାଲଟେ ଜନ୍ମ

ଅଗ୍ନି ସମ କାମନାର ଜ୍ୱାଳାରେ ।


ଅ-ଶେଷର ହୁଏ ଶେଷ

ଅକ୍ଳିଷ୍ଟତାର ଆକ୍ରମଣରେ

ଅନ୍ତଘଟେ ପ୍ରତି ଆରମ୍ଭର

ଅସଂଯମତା, ଅନୀତି, କୁଅଭ୍ୟାସ

ପଦାର୍ପଣ କରେ ଯେବେ ହୃଦୟରେ!!



Rate this content
Log in

More oriya poem from kahnu charan sahu

Similar oriya poem from Romance