ନୀରବତା
ନୀରବତା
ରିମଝିମ ବର୍ଷାସ୍ୱର ଶୁଭେନା
ସମୁଦ୍ରରେ ଜୁଆର ଉଠେନା
ନୁପୁରର ଛମଛମ
ପବନର ସୁଉ ସୁଉ ଗର୍ଜ୍ଜନ
ଜମା ଜଣା ପଡ଼େନା
କୈବଲ୍ୟର ଏତେ ବାସ୍ନା
ତୁଳସୀରେ ମାଦକତା
କସ୍ତୁରୀର ସୁଗନ୍ଧ
ଦୟାଣାର ବାସ୍ତବତା
ଚନ୍ଦନ ଗନ୍ଧ
ଛାନ୍ଦ କି ଛନ୍ଦ କାନେ ବାଜେନା
ଛଳଛଳ କଳକଳ ପାଣି
ବଇଁଶୀ ସ୍ଵନ ପାରେନା ଶୁଣି
ନୀରବତା ସ୍ୱରେ ଆଜି ନାହିଁ ମୂର୍ଚ୍ଛନା
ରୂପ ରସ ବାସ ହସ ସବୁ ନୀରବ
ନିଶ୍ଚଳକୁ କିଏ ବା ପାରିବ ମାପି
ଜମା ବୁଝି ହୁଏନା
ଶବ୍ଦମୟ ପୃଥିବୀରୁ ଆକାଶ
ପାତାଳରୁ ଗୋଲକ
ଶବ୍ଦର ଶବ୍ଦ ଶୁଭିଥିଲା
ରିମଝିମ ସ୍ଵରେ କେତେ କିଏ ଗାଉଥିଲା
ସବୁ ନୀରବ କାହିଁକି
କିଏ କହିପାରିବକି
ନୀରବତା ଅନ୍ୟ ନାମ
ବୋଧେ ସବୁ ଜଡ଼ମୟ
କାହିଁକି କିଛି ହିଁ ଶୁଭେନା
ନିରବତାର ଶବ୍ଦ ନାହିଁ ମନ ମାନେନା ।