ଆଲୋକ ପରବ ଦୀପାବଳି
ଆଲୋକ ପରବ ଦୀପାବଳି
ନଗ୍ର , ପୁର ପଲ୍ଲୀ ଆଲୋକେ ଉଜ୍ଜ୍ବଳି
ନାଶେ ଅମା ଅନ୍ଧକାର
ଆଲୋକ ପରବ ଦୀପାବଳି ବୋଲି
ଏଣୁ ନାମ ଅଟେ ତାର ।
କାର୍ତ୍ତିକ ମାସରେ ଅମାବାସ୍ୟା ଦିନ
ପାଳି ଆଲୋକ ପରବ
ଆଲୋକ ପରବ ଦୀପାବଳି ଭାବେ
ଜଳାଉ ଆଲୋକ ଦୀପ ।
ତ୍ରେତୟା ଯୁଗ ରୁ ପାଳିତ ହେଉଛି
ଏହି ପର୍ବ ପ୍ରତି ବର୍ଷ
ଏହି ଦିନ ପ୍ରଭୁ ରାମ ଚନ୍ଦ୍ର ଫେରି
ଥିଲେ ସାରି ବନବାସ ।
ଚଉଦ ବରଷ ରହି ବନ ବାସ
ରାବଣ କରି ନିଧନ
ପୁଷ୍ପକ ବିମାନ କରି ଆରୋହଣ
ହନୁମାନ ବିଭୀଷଣ ।
ସହିତେ ଏ ଦିନ ମାତା ସୀତା ସଙ୍ଗେ
ଅଯୋଧ୍ୟା ପ୍ରତ୍ୟାବର୍ତ୍ତନ
କରିବା କlରଣୁ ଅଯୋଧ୍ୟା ନିବାସୀ
ତାଙ୍କ ସ୍ଵlଗତ କରିଣ ।
ଜାଳି ଦୀପାବଳି ଅମା ଅନ୍ଧକାରେ
କରିଲେ ପର୍ବ ପାଳନ
ଦୀପ ଓ ଆଲୋକ ମାଳା ରେ ସଜ୍ଜିତ
ହେତୁ ଦୀପାବଳି ନାମ ।
ଅଯୋଧ୍ୟା ନଗରୀ ଆନନ୍ଦ ଉଲ୍ଲାସ
ମୁଖର ରହି ଉତ୍ସବ
ପାଳି ଥିଲେ ବୋଲି ପ୍ରତି ବର୍ଷ ଦେଶେ
ପାଳୁଛୁ ଏହି ପରବ ।
ପୟା ଶ୍ରାଦ୍ଧ ପଡେ ଏହି ଦିନ ପୂଜା
କରାଯାଏ ଘରେ ଘରେ
କପା କାଠି ଜାଳି ବଡ଼ବଡୁଆ ଙ୍କୁ
ଡାକନ୍ତି ଅତି ଆଦରେ ।
ବଡ ବଡୁଆ ହେ ଅନ୍ଧାର ରେ ଆସ
ଆଲୋକ ରେ ଯାଅ କହି
ଶ୍ରାଦ୍ଧ ଦିଆ ଯାଏ ଭୋଗ ରାଗ ହୁଏ
ପିତୃ ଆଶୀର୍ବାଦ ପାଇଁ ।