ଆଲୋକ ପର୍ବ

ସଜାଡି ରଖିବା ଚଉରା ମୂଳ

ଧୋଇ ରଖିଥିବା କେତେ ଫଳ

ଶରତ ଯାଉଛି ହେମନ୍ତ ଆସୁଛି

କାର୍ତ୍ତିକ ମାସର ହବିଷ ବେଳ

ମାଆ ଆସିବେ ହରିବୋଲ

ସଙ୍ଗରେ ଆଣିବେ ପିତୃପୁରୁଷଙ୍କୁ

ଝୋଟି ଚିତା ଝଟକୁଛି

ମୁରୁଜ ରଙ୍ଗୋଲି ଇନ୍ଦ୍ରଧନୁ ସାଜିଛି 

ଆସ ମାଆ କାଳୀ ଆଲୋକ ଜାଳି

ଦୂରେଇବା ମନ ହୃଦୟରୁ ଅନ୍ଧକାର

ପିତୃପୁରୁଷଙ୍କୁ ଆଲୋକ ଦେଖାଇ

ମାଗିବା ସ୍ନେହ ଶ୍ରଦ୍ଧା ଆନ୍ତରିକତା କୋଳ

ମନ ଓ ହୃଦୟ ରଖିଲେ ସଫା

ଭିତର ବାହାର ସ୍ୱଚ୍ଛ କଣିକା

ଜୀବନ ହସିବ ଆଲୋକ ସାଥେ

ପରିବାର ସହ ଏ ଚଲାପଥେ

ଚଳିବା ପାଇଁ ନେଇ ପୂର୍ବଜଙ୍କ ଦୀକ୍ଷା

ପଥ ପାଥେୟ ଅନୁସରି ପାଇ ଶିକ୍ଷା

ଅନ୍ଧାର ରୂପକ କୁସଂସ୍କାର ଜାଳି

ଜୀବନେ ପୂଜି ମାଆ କାଳୀ

ଶ୍ରଦ୍ଧାରେ କରିବା ପୟା ଶ୍ରାଦ୍ଧ

ଦୀପାବଳୀ ଦିନ ଆଲୋକେ ମନବୋଧ

କାଉଁରିଆ ଜାଳି ଦେଖେଇବା ପଥ

ଝୁଣ୍ଟି ନଯିବାକୁ ହାତ ସାଥେ ହାତ ।