ଜୀବନ ଗୀତି
ଜୀବନ ଗୀତି
ଜାଣିଛି ମୁଁ ଭଲଭାବେ ଆତ୍ମା ମୋର ଅବିନାଶୀ
ନିରନ୍ତର ଉଜାଗର ଅନ୍ବେଷେ ପ୍ରଶାନ୍ତି
ପ୍ରତିକୂଳ ପରିସ୍ଥିତି ଉପୁଯାଏ ମନେ ଭୀତି
ଆହ୍ବାନେ କଠୋର ସ୍ଥିତି ସମୟ କଷଟୀ ।
ଭଙ୍ଗାଗଢା ଦୁନିଆରେ ବଞ୍ଚି ରହିବାକୁ ହେଲେ
କରିବାକୁ ହୋଇଥାଏ ଏକାକୀ ସଂଗ୍ରାମ
ବାଧାବିଘ୍ନ ପ୍ରତିବନ୍ଧ ଚଲାପଥ କରେ ରୋଧ
ହାରେ ନାହିଁ ଲଢିଭିଡି ଜିଣଇ ଜୀବନ ।
ପ୍ରବାହ ସ୍ବଚ୍ଛ ସ୍ବଚ୍ଛନ୍ଦ ଆତ୍ମିକ ସତ୍ଯ ସମ୍ବନ୍ଧ
ପ୍ରୟାସ ପ୍ରଯତ୍ନେ ହୁଏ ପ୍ରାଣ ସଞ୍ଜିବୀତ
ବିକଟାଳ ମହାକାଳ କ୍ରମଶଃ ହୁଏ ନୀରବ
ଥିଲେ ଦୃଢ ମନୋବଳ ଲକ୍ଷ୍ଯ ସୁନିଶ୍ଚିତ ।
ରହିବି ମୁଁ ଅବିଚଳ ଆସୁ ଖରା ବର୍ଷା ଶୀତ
ଜୀବନର ଜୟଗାନ କରୁଥିବି ନିତି
ଦେଖି ନବ ସୂର୍ଯ୍ୟୋଦୟ ହେଉଥିବି ପୁଲକିତ
ରଚିବି ଜୀବନ ଗୀତି କିରଣ ସଂପାତି ।