Library
Profile
ଆସ ନୂଆ ବରଷ ପାଳିବା
ଆସ ନୂଆ ବରଷ ପାଳିବା
ଆସ ନୂଆ ବରଷ ପାଳିବା
ସଭିଏଁ ମିଶି ଆନନ୍ଦେ ସ୍ବାଗତ କରିବା
ପରସ୍ପର ମଧ୍ୟରେ ହସଖୁସି ବାଣ୍ଟିବା
ବରଷର ପ୍ରଥମ ଶୁଭ ଦିନଟିକୁ
ମନେ ପ୍ରାଣେ ମଧୁର ସ୍ମୃତି କରି ରଖିବା
ନିଜ ନିଜ ଭିତରେ ଆମ ସୁସଂପର୍କ
ଜୀବନ ଯାକ ବଜାଇ ରଖିବା
ସ୍ବଚ୍ଛ ନିର୍ମଳ ପବିତ୍ର ହୃଦୟର ସହିତ
ଜାତୀୟ ସଂହତି ଏକତା ରଖିବା
ଆସ ନୂଆ ବରଷ ପାଳିବା
ବିଗତ ଦିନର ଯେତେ ଭୁଲ୍ ତ୍ରୁଟି
ଭୁଲି ଯାଇ ନିଜକୁ ସଂଶୋଧନ କରିବା
ନିଜ ଭୁଲ୍ ନିଜେ ଦେଖି ସୁଧୁରିବା
ତିକ୍ତତା ଯା' କଷ୍ଟ ଯନ୍ତ୍ରଣା ଦିଏ ଆମକୁ
ତା'ଠାରୁ ସଭିଏଁ ଦୂରେଇ ରହିବା
ଅନାବିଳ ଭାବେ ମଣିଷକୁ ମଣିଷ ପରି
ସୂନ୍ଦର ରୁଚିପୂର୍ଣ୍ଣ ବ୍ୟବହାର ଦେଖାଇବା
ଜୀବେ ଦୟା କରି ଭଲ ପାଇବା
ଆସ ନୂଆ ବରଷ ପାଳିବା
ସଭିଙ୍କୁ ମଧୁର ବିନୟ ବଚନ କହିବା
ଦୁଃଖିର ଦୁଃଖ ବୁଝି ଆପଦେ ବିପଦେ
ସହାୟତାର ହାତ ବଢ଼ାଇବା
ଅନୁକମ୍ପା ଦେଖାଇ ଦୟାବାନ୍ ହେବା
ସହାନୁଭୂତିଶୀଳ ହୋଇ ଆଶ୍ଵାସନା ଦେବା
ଅତି ମାନବର ମହତ ଗୁଣ ପ୍ରକାଶିବା
ଆତ୍ମୀୟତାର ଅତୁଟ ବନ୍ଧନେ
ଆମର ସବୁ ସଂପର୍କକୁ ଦୃଢ଼ ରଖିବା।
ଆସ ନୂଆ ବରଷ ପାଳିବା
ସମାଜରୁ ଅନ୍ଧବିଶ୍ୱାସ କୁସଂସ୍କାରକୁ
ଉନ୍ନତ ବୁଝାମଣାରେ ହଟାଇ ଦେବା
ନିସ୍ଵାର୍ଥପର ଭାବେ ସେବା ଯତ୍ନ କରିବା
ମାତୃଭୂମି ମାତୃଭାଷାର ଟେକ ରଖିବା
ସାହସର ସାଥେ ଅନ୍ୟାୟ ଅତ୍ୟାଚାର
ଅନୀତିର ବିରୁଦ୍ଧରେ ଲଢ଼ିବା
ସମଗ୍ର ବିଶ୍ବକୁ ଏକ କୁଟୁମ୍ବ ମଣି
ସାରା ସଂସାରକୁ ମଧୁମୟ କରିବା
ଆସ ନୂଆ ବରଷ ପାଳିବା।
