ଜଙ୍ଗଲ ମହୋତ୍ସବ
ଜଙ୍ଗଲ ମହୋତ୍ସବ
ପ୍ରକୃତି ପ୍ରେମୀ କରେ ହୁରି
ବନମାଫିଆ କରେ ଚୋରି।
ସବୁଜିମାର ନାହିଁ ଓଢ଼ଣୀ
କାନ୍ଦୁଛି ଧରଣୀ ରାଣୀ।
ଅଙ୍ଗାରକାମ୍ଳର ବିଷାକ୍ତ ବଳୟ
ଉତ୍ତପ୍ତ ବିଶ୍ଵ ସଙ୍କଟମୟ ।
ମରିଚିକା ମୌସୁମୀ ଖେଳୁଛି
ନିଦାଘ ଏଠି ସାଧୁଛି।
ଜଙ୍ଗଲି ନିଆଁ କରୁଛି ଆଁ
ହିଂସ୍ର ଜୀବଜନ୍ତୁ ସହରୀ ମୁହାଁ ।
ଜୈବ ସନ୍ତୁଳନ ଟଳମଳ
ପାଣି ପାଇଁ ଏଠି ଡ଼ହଳବିକଳ ।
ଜଙ୍ଗଲ ସୁରକ୍ଷା ଆମରି ରକ୍ଷା
ବ୍ୟାନରରେ ହେଉଛି ଲେଖା ।
ସମସ୍ତେ ମିଳିମିଶି କରିବା ପଣ
ଗଛଟିଏ ଲଗାଇବା ଏହି କ୍ଷଣ ।
କରିବା ସୃଷ୍ଟି ନୂତନ ଜଙ୍ଗଲ
ହୋଇବ ସମସ୍ତଙ୍କ ମଙ୍ଗଳ ।