ଜଗନ୍ନାଥ ଭଜନ

ବଡ଼ଦେଉଳିଆ ବଡ଼ ପଣିଆ

ମୟୂର ଚୂଳିଆ ନୀଳାଚ଼ଳିଆ

ଚକା ଆଖିଆ ଭାବବିନୋଦିଆ

ଦରଶନ ପାଇଁ ହୋଇଛି ଠିଆ

କାଳିଆ କାଳିଆ ସୁନା କାଳିଆ ।

ବଡ଼ଠାକୁର ବଡ଼ଦାଣ୍ଡ ଯାହାର

ପତିତପାବନ ବାନା ଉଡ଼େ ଫରଫର

ଭାବର ଠାକୁରକଳା ଠାକୁର

ଭରି ଦିଅ ଭାବଭକ୍ତି ହୃଦେ ମୋହର

କାଳିଆ କାଳିଆ ସୁନା କାଳିଆ ।

ଦିନବନ୍ଧୁ ଆହେ ଜଗତବନ୍ଧୁ

ତୁମେ ପରା କୃପାସିନ୍ଧୁ

ଦରଦୀର ଦରଦୀ ବନ୍ଧୁ

ଗୋବିନ୍ଦ ମକରନ୍ଦ ହୃଦଛନ୍ଦ

କାଳିଆ କାଳିଆ ସୁନା କାଳିଆ ।

ଅଖିଳ ବ୍ରହ୍ମାଣ୍ଡପତି

ନିରାକାର ଶ୍ୟାମଳ ମୂରତି

ଜଗତପତି ଦିଅ ମୁକତି

ତୁମ ନାମ ରେ ଦିନ ଯାଉ ବିତି

କାଳିଆ କାଳିଆ ସୁନା କାଳିଆ ।