ସୁନା ସଂସାର
ସୁନା ସଂସାର
କେଡେ ମଧୁର ନାମଟି ତାର
ପାଞ୍ଚ ଅକ୍ଷରେ ସିଏ ଆଧାର
ଶାନ୍ତି ଭରିଦିଏ
ହୃଦୟେ ଆମର,
ଆମ ସଂସାର ସୁନ୍ଦର ଦିଶେ
ଧୂପ ଦୀପରେ ସିଏତ ବାସେ
ସବୁବେଳେ ଲାଗଇ
ସରଗ ପୁର ।
ଝାଟି ମାଟିରେ ସିଏ ଗଛିତ
ଝଡ଼ ଝଞ୍ଜାରେ ସିଏତ ମିତ
ସୁରକ୍ଷାର ସଦା
ସିଏ ପ୍ରତୀକ ,
ନୟନେ ଭରେ କେତେ ସପନ
ସୁଖ ଶାନ୍ତିରେ କଟେ ମୋ ଦିନ
ଛାଇ ଆଲୁଅ ଦିଏ
ସିଏ ଅନେକ ।
ମନ୍ଦିର ପରି ସିଏତ ହସେ
ପର ଆପଣା ସବୁ ସେ ତୁଚ୍ଛେ
ସଭିଙ୍କୁ ହସାଏ
କୋଳରେ ତାହାର,
ବରଷା ଖରା ସବୁ ସେ ସହେ
ଶୀତ କାକର ବରଷ ବାହେ
ଏହି ତ ମୋର ଛୋଟ
ସୁନାର ଘର ।।