Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Rabindra Mishra

Drama

3  

Rabindra Mishra

Drama

ତୁମେ ବିଜୟିନୀ ବୀର

ତୁମେ ବିଜୟିନୀ ବୀର

1 min
403


ହାତଧରି ଯେବେ ଘରକୁ ଆଣିଲି

ଶଙ୍କା ଜାଗୁଥିଲା ମନ

ଅଜଣା-ଅଚିହ୍ନା ମଣିଷଟା ସହ

କେମିତି କାଟିବି ଦିନ ।

ନୂଆ-ନୂଆ ଥିଲା ମୌନଅବତୀ ଯେ

ଲାଜ ଲାଜ ତୁମ ଭାବ

ବାଦଲରେ ଯେଣେ ଜହ୍ନ ଲୁଚିଯାଏ

ସତେକି ଦୁରେଇ ଯିବ।

ପାଠୁଆ ବୋହୁ ମୋ ଚାକିରୀ କରୁଛି

କେମିତି ଚଳିବ ଘର

ଶାଶୁ- ନଣନ୍ଦଙ୍କ ଚିନ୍ତାର ବାହାରେ

ସବୁବେଳେ ଥିଲା ଡର ।

ସାଇ-ପଡିସା ଯେ ଘିଅ ଢାଳୁଥିଲେ

ନିରତ "ମା" କାନରେ

ପୁରୁଣା କାଳିଆ ମରହଟି ମଣିଷ

ନାଚୁଥିଲା ସେ ଗୀତରେ ।

ଝିମିଟି ଖେଳରୁ ମହାଭାରତର

ଆଦିପର୍ବ ଦିଶୁଥିଲା

ଶାଶୁ-ବୋହୁ ଡ୍ରାମା ବେହାଲ କରିବ

ଜାଣିଲି ସବୁ ସରିଲା ।

ବନ୍ଧୁ-ବାନ୍ଧବଙ୍କ ଭିଡ଼ ସବୁବେଳେ

ବିରତି ନାହିଁ ସେଥିରେ

ଝିଅ-ଝିଆଣିଆ ଯୌଥ ପରିବାର

ଖର୍ଚ୍ଚ ବଢେ 'ଫି-ମାସରେ' ।

ସବୁ ଡର-ଭୟ ଦୂର କରିଦେଲ

ସମ୍ଭାଳି ନେଲ ସେ ଘର

ଭଣଜା-ଭାଣିଜୀ, ଝିଆରୀ- ପୁତୁରା

ସଭିଙ୍କୁ କଲ ନିଜର ।

କେଉଁ ପଦ୍ମତୋଳା ଗାଇଲ କେଜାଣି

ମା ମୋ ତୁମ କଥାରେ

ବାନ୍ଧି ହେଇଗଲା ଛବି ନେନ୍ଥା ହୋଇ

ଗାଇଲା ତୁମରି ସୁରେ ।


ଯାହାକୁ ଯେମିତି ଲୋଡ଼ା ସନମାନ

ଦେଇ କରିଲ ନିଜର

ଅର୍ଧଙ୍ଗିନୀ ଆହେ ମୋ ପ୍ରାଣ-ପ୍ରତିମା

ତୁମେ ବିଜୟିନୀ ବୀର

ତୁମେ ବିଜୟିନୀ ବୀର ।


Rate this content
Log in