Read a tale of endurance, will & a daring fight against Covid. Click here for "The Stalwarts" by Soni Shalini.
Read a tale of endurance, will & a daring fight against Covid. Click here for "The Stalwarts" by Soni Shalini.

Krushna Chandra Lenka

Drama Tragedy Inspirational

4.7  

Krushna Chandra Lenka

Drama Tragedy Inspirational

ଶୋଇଯା ଧନ

ଶୋଇଯା ଧନ

1 min
474


ଶୋଇଯା ଧନ ମୋ କଥା ମାନି

ଅବୁଝା ହୁଅନା ଏଇ କ୍ଷଣି

ଆଜି ପାଣି ପିଇ ଯିବା ଶୋଇ

କାଲି ମୁଁ ଆହାର ଦେବି ତହିଁ ।


ଭୂତାଣୁ ଦାନବ ଅଛି ମାତି

ସେ'ପାଇଁ ସର୍କାର କଲେ ନୀତି

ନିଜ ନିଜ ଗୃହେ ଲୋକେ ରହି

ତାଲାବନ୍ଦୀ ହୋଇ ଥିବେ ଯହିଁ ।


ବାହ୍ୟ ଥାନେ କେହି ଯିବେ ନାହିଁ

ଗୃହେ ଥିବେ କିଛି ଦିନ ପାଇଁ

ନାହିଁ ସିନା ଗୃହ ଆମ ପାଶେ

ସେ'ବାରେ କାର ଯେ ଯାଏ ଆସେ ।


ଏ ଖୋଲା ଗଗନ ଆମ ଘର

ଭାଳିବୁନି ତିଳେ ତାରେ ପର

ବସୁମତୀ ମାତା ଆମ ମାଆ

ଦୁର୍ଦ୍ଦିନେ ହୁଅଇ ସିଏ ସାହା ।


ଏ ସଙ୍କଟେ କାର ନାହିଁ ଧ୍ୟାନ

ତା'ପାଇଁ ମିଳଇ ତିଳେ ଥାନ

ଗଗନ ପବନ ସାଥେ ପାଣି

ଏ ଘୋର କାଳେ ସେ ସାହା ଜାଣି ।


ସର୍କାର ଘୋଷଣା କଲେ ଯହିଁ

ଜୀବନଠୁଁ ବଳି କିଛି ନାହିଁ

ଜୀବିକା ପଛକେ ହେଉ ନ୍ୟୁନ

ଜୀବନ ଆମର ଥାଉ ଧନ ।


ଏକଥା ଶୁଣି ସେ ଶିଶୁ ଧନ

ବୁଝେ ନାହିଁ ତିଳେ ତା'ର ମନ

ଉଠି କହେ ପିତା ମୁଖ ଚାହିଁ

କ୍ଷୁଧା ବିନା ସତେ ହେବ ଜିଇଁ ।


କେତେ ଦିନ ଆଉ ପାଣି ପିଇ

ଏମନ୍ତ ଉପାସେ ଯିବା ଶୋଇ

ଶୁଣି ପିଲାଟିର ଏଇ କଥା

ଘୁରିଯାଏ ଏଠି ପିତା ମଥା ।


କା ପାଶେ ଅଛି କି ତା ଉତ୍ତର

କହି କି ପାରିବେ କେହି ନର

ପିତା କହେ ପୁତ୍ର ମୁଖ ଚାହିଁ

ଗରିବର ସାହା କେହି ନାହିଁ ।


କହଇ କୁମର ଶୁଣ ଜନେ

ମୋ' ଉତ୍ତର ଦେବ ଭାଳି ମନେ

ଜନମି ମୁହିଁ ଗରିବ କୋଳେ

କିସ ପାପ କଲି କୁହ ତିଳେ ।


Rate this content
Log in

More oriya poem from Krushna Chandra Lenka

Similar oriya poem from Drama