ବିଚ୍ଛେଦ- କୁତ୍ସିତ ଓ ନିନ୍ଦନୀୟ
ବିଚ୍ଛେଦ- କୁତ୍ସିତ ଓ ନିନ୍ଦନୀୟ
ଦୁହେଁ ସାଥୀ ହୋଇ ଚାଲିବା ଆଜୀବନ
ସେଥି ନିମନ୍ତେ ପକାଇ ଥିଲୁ ହାତଗଣ୍ଠି
କିନ୍ତୁ ସଂସାର ଆରମ୍ଭିବା ଆଗରୁ
ସମ୍ପର୍କର ବୁଝାମଣାରେ ପଡିଥିଲୁ ଝୁଣ୍ଟି ।
ବାଦବିବାଦ ସହ ରାଗ ରୋଷରେ
ଦୁହେଁ ଦୁହିଁଙ୍କୁ କରୁଥିଲୁ ବିଶ୍ଳେଷଣ
ନିଜ ନିଜ ଆତ୍ମ ବଡିମା, ଅହଂକାର
ହୋଇଲା ବିଚ୍ଛେଦର ମୁଖ୍ୟ କାରଣ ।
କେହି କାହା ଆଗେ ମୁଣ୍ଡ ନୋଇବାକୁ
ପ୍ରସ୍ତୁତ ନଥିଲୁ ସବୁ ଜାଣି
କଳହ ବଢିଲା,ଘର ଉଜୁଡିଲା
ଏହାହିଁ ବ୍ୟଥା, ବେଦନା ଭରା କାହାଣୀ ।
ପରସ୍ପର ମଧ୍ୟେ ଥିଲା ଯେଉଁ ପ୍ରେମ
ହୋଇଗଲା ସବୁ ଅତିତର ସ୍ମୃତି
ସଭ୍ୟ ସମାଜେ ଶିକ୍ଷିତ ହୋଇ ମଧ୍ୟ
ସଂସାର ଗାଡ଼ିରେ ଅସଫଳ ଆମ ଗତି ।
ପିତାମାତା,ବନ୍ଧୁ ପରିଜନ ଆମ ଆଗେ ଗଲେ ହାରି
ସମ୍ପର୍କ ତୁଟାଇ ସଭିଙ୍କ ଠାରୁ ଗଲୁ ଆମେ ଓହୋରି
ପରିଣାମ ସ୍ବରୂପ ମିଳିଲା ବଦନାମ
ବାସ୍ତବରେ ହୋଇ ପାରିଲୁ ନାହିଁ କାହାରି ।
ଏହି ବିଚ୍ଛେଦରେ ଦୁଇ ପରିବାର ମଧ୍ୟେ
ମାଡି ଆସିଲା କଳା ମେଘ ସମ ବିପଦ
ଅଶାନ୍ତି, ଅପମାନ,ଗଞ୍ଜଣାରେ
ଛାତି ହୋଇ ଗଲାଣି ସ୍ତବ୍ଧ ।
ବିଚ୍ଛେଦ ଶଦ୍ଦ ଅଟେ କୁତ୍ସିତ ଓ ନିନ୍ଦନୀୟ
ମନେ ଭରିଦିଏ ଭାବନା ହିଂସାପୂର୍ଣ୍ଣ
କଳଙ୍କିତ ସଂପର୍କର ଗୁଞ୍ଜରଣରେ
ଦାମ୍ପତ୍ୟର ଡୋରି ହୋଇଛି କ୍ଷୁର୍ଣ୍ଣ ।
ସମ୍ପର୍କ ସହ ପରିବାର ଯାଇଛି ଉଜୁଡି
ପ୍ରତି କଥାରେ ଦେଖାଯାଏ ମତଭେଦ
ବହୁ କଳୁଷିତ ଆଉ କୁତ୍ସିତ
ଅଟେ ଏହି ଶବ୍ଦ ବିଚ୍ଛେଦ ।