Library
Profile
ସତସଙ୍ଗ
ସତସଙ୍ଗ
1 min
148
ସତସଙ୍ଗ ବିନା ମଣିଷ ଜୀବନ
ହୋଇ ପାରେନି ସାର୍ଥକ
ସତରେ ଚଳିବା ସତରେ ରହିବା
ନ ହୁଅଇ କେବେ ବ୍ୟର୍ଥ ।
ନିଜ ରୋଜଗାର ଅର୍ଥରେ ଚଳିବା
କରି କିଛି କିଛି ଦାନ
ଦୁଃଖୀ ଦରିଦ୍ର ଙ୍କ ସେବାରେ ସମୟ
କରୁଥିବା ବିତରଣ।
ନିଜେ ଭଲ ରହି ଆନେ ଭଲ ରଖି
କରି ସତ ଆଚରଣ
ପରିବାର ଗଢି ସମାଜ ଗଢ଼ିବା
ରଖିବା ମାନବ ପଣ।
ସତସଙ୍ଗ ବିନା କାହାର ଉନ୍ନତି
ହେଖିଛ କି କେଉଁଠାରେ
ସତସଙ୍ଗେ ବଶ ସ୍ଵୟଂ ଜଗନ୍ନାଥ
ଦୃଶ୍ୟ ଅବା ଅଦୃଶ୍ୟରେ।
ସତସଙ୍ଗ ପାଇଁ ଲୋଡା ଏକ ମନ
ନିତିଦିନିଆ ଅଭ୍ୟାସ
ଜ୍ଞାନ ଧନ ଭକ୍ତି ବଳେ ହିଁ ଆସଇ
ରଖ ଅଖଣ୍ଡ ବିଶ୍ୱାସ।
ଏହି ବିଶ୍ୱାସ ରେ ଚାଲିବାକୁ ହେବ
କାଳିଆର ଦରବାରେ
ଉଜୁଡ଼ା ମନ ତ ସଜାଡି ହୋଇବ
ସତସଙ୍ଗ ଶୁଭ ଦ୍ୱାରେ l
