ସମୀକ୍ଷା ଅସ୍ମିତାର

ପାଦେ ପାଦେ ପଦାଘାତ 

ସହୁଥିବା 

ସନ୍ତାପିତ ମନଟି  

ଆଜି କରି ଉଠୁଛି 

ବିଦ୍ରୋହ 

କହିବାକୁ ଚାହୁଁଛି ତୁମକୁ

ମୋ ମନ ଅଗଣାରୁ

ଫେରିଯାଅ ତୁମେ

ଆଉ ଆଗକୁ ଗୋଟେ ପାଦ ବି

ହୁଅ ନାହିଁ ଅଗ୍ରସର 

ବହୁତ ହୋଇଗଲା 

ତୁମ ପ୍ରେମ ଆଉ ପ୍ରତାରଣାର 

ସାପ- ସିଡ଼ି ଖେଳ

ବିଶ୍ଵାସ ଆଉ ଅବିଶ୍ଵାସର 

ଅନ୍ତହୀନ ମାୟାଜାଲ

ଏତେ ସବୁ କ୍ଷତ ଚିହ୍ନ

ଲୁଚି ଲୁଚି ନିଜର

ଅସ୍ତିତ୍ଵ ଜାହିର୍ କରିବାକୁ

ହେଲେଣି ସଜବାଜ 

ଆଉ ଲୁଚିବାର 

ଅବକାଶ ନାହିଁ

କି ଲୁଚେଇବାର ଅଭିଳାଷ 

ମଧ୍ୟ ନାହିଁ 

ସମାଜର ସବୁ ଲକ୍ଷ୍ମଣରେଖାକୁ

ତୁମ ଭରସାରେ

ଅତିକ୍ରମ କରିବା ପରେ

ଅତି ସହଜରେ

ତୁମେ ଦେଇପାରିଲ 

ପତିତାର ଆଖ୍ୟା

ସେହି ଆଖ୍ୟାକୁ 

ସଂପୂର୍ଣ୍ଣ ସମ୍ମାନ ସହ

ଗ୍ରହଣ ପୂର୍ବକ 

ମୁଁ କରୁଛି ଆଜି

ମୋ ଅସ୍ମିତାର ସମୀକ୍ଷା ।