ହେ ଗଜାନନ

ଗଣ-ଈଶ ଲମ୍ବୋଦର ହେ ଗଜ-ଆନନ

ଗୌରୀ ଦେବୀ ପ୍ରିୟ ପୁତ୍ର ବିଘ୍ନ ବିନାଶନ ।

ଅଗ୍ରପୂଜ୍ଯ ବକ୍ରତୁଣ୍ଡ ରିଦ୍ଧି-ସିଦ୍ଧି ସ୍ବାମୀ

କଣ୍ଠେ ଶୋହେ ରତ୍ନମାଳା ଦେବ ଅନ୍ତର୍ଯ୍ୟାମୀ ।

ମୂଷିକ ବାହନ ତବ କମନୀୟ କାନ୍ତି 

ଚତୁର୍ଭୁଜ ସୌମ୍ୟ ରୂପ ଅଙ୍ଗେ ଅଙ୍ଗେ ଜ୍ୟୋତି ।

ଭାଦ୍ରବ ଶୁକ୍ଳ ଚତୁର୍ଥୀ ପବିତ୍ର ଦିନରେ

ଧରା ଧାମେ ତୁମ୍ଭ ପୂଜା ଅତି ଆଡମ୍ବରେ ।

ଆନନ୍ଦେ ଭକତି ମନେ ଡାକନ୍ତି ଭକତ

ଦୁଃଖ ନାଶି, କୃପା କର ଆହେ ଗଣନାଥ ।

କାର୍ଯ୍ୟାରମ୍ଭେ ତୁମ୍ଭ ପୂଜା ବିଘ୍ନ ବିନାଶନ 

କୋଟି ସୂର୍ଯ୍ୟ ସମ ତେଜ ଦିଶେ ଶୋଭାବନ ।

ଚତୁର୍ଭୁଜ ଶ୍ରୀଗଣେଶ ଚରଣେ ପ୍ରଣତି

ଅଜ୍ଞାନ ବିନାଶ ଦେବ ରିଦ୍ଧି-ସିଦ୍ଧି ପତି ।

ଜ୍ଞାନ ବୁଦ୍ଧି ଦିଅ ପ୍ରଭୁ କରୁଛୁ ବନ୍ଦନା

ଗଜାନନ ଦେବ, ତ୍ରୁଟି କରିବେ ମାର୍ଜନା ।

ଐଶ୍ବର୍ଯ୍ଯା ଗାଉଛି ଗୀତେ ବନ୍ଦନା ତୁମ୍ଭର 

ଭବଜଳୁ ପାର କର ଦେବ ଲମ୍ବୋଦର ।