ସାଥୀ
ସାଥୀ
ପିଲାଙ୍କର ସାଥୀ ବହି ଖାତା ଆଉ ସିଲଟ ଖଡ଼ି
ଅଜାଙ୍କର ସାଥୀ ପାନବଟା ଆଉ ବଂକୁଲି ବାଡ଼ି |
କୃଷକର ସାଥୀ ହଳ ଲଙ୍ଗଳ ଓ କୋଦାଳ କୋଡ଼ି
କେଳାଙ୍କର ସାଥୀ ନାଗ ନାଗେଶ୍ୱରୀ ସାପୁଆପେଢ଼ି |
ମାଳୀଙ୍କର ସାଥୀ ଫୁଲବଗିଚା ଓ ଫୁଲ ଚାଙ୍ଗୁଡ଼ି
ଗୋପାଳଙ୍କ ସାଥୀ ଗାଈ ବଳଦ ଓ ପଖିଆ ବାଡ଼ି |
ଗୁଡ଼ିଆଙ୍କ ସାଥୀ ଖିରା କୋରା ଆଉ ଉଖୁଡା ମୁଢି
ଜୋତିଷଙ୍କ ସାଥୀ ପାଞ୍ଜିବିଡା ଆଉ କୋଚିଲାଖଡ଼ି |
ବୋଉଙ୍କର ସାଥୀ ଘରଟିରେ ଆମ ପିଉସୀ ଖୁଡ଼ି
କୁନାକୁନି ସାଥୀ ଅଜା ଆଈ ଆଉ ଖେଳଣାପେଡି |
ଶିକ୍ଷକର ସାଥୀ ଶିଷ୍ୟ କଳାପଟା ଡଷ୍ଟର ବାଡ଼ି
ସେନାଙ୍କର ସାଥୀ ଦେଶଭକ୍ତି ଆଉ ବନ୍ଧୁକ ଗୁଳି |
କୁମ୍ଭାରର ସାଥୀ ମାଟିଚକ ହାଣ୍ଡି ମାଠିଆ ଗଢି
କମାରର ସାଥୀ ଚୁଲି ହାତୁଡିକୁ ଲୁହାର ଖାଡ଼ି |
ଟେଇଲର ସାଥୀ ମେସିନ ସୂତା ଓ କପଡା ଶାଢ଼ୀ
ଦୋକାନୀଙ୍କ ସାଥୀ ରାସନ ସଉଦା ଖୁଚୁରାପେଢ଼ି |
ମୋଚିଙ୍କର ସାଥୀ ଛିଣ୍ଡା ଜୋତା ଛତା ଟାୟାର ଧଡ଼ି
ହୋଟେଲର ସାଥୀ ପୁରି ସମୋସା ବରା ପକୁଡି |
ଦେଶର ସାଥୀ ସୁକର୍ମ ସୁଜନ ଆଉ ନେତା ମନ୍ତ୍ରୀ
ଜୀବନର ସାଥୀ ସୁକର୍ମ ସୁଭାଷା ସତ୍ୟ ଶାନ୍ତି |