ତୁ ମୋ କ୍ରିଷ୍ଣା

ତୁ ମୋ କ୍ରିଷ୍ଣା, ମୁଁ ତୋ ସୁଦେଷ୍ଣା,       

ତୁ ହେଲେ ସାଗର, ମୁଁ ଅଟେ ତୃଷ୍ଣା |     

ତୁ ହେଲେ ପାଦପ, ମୁଁ ତୋର ଛାଇ,        

ତୁ ଅଟୁ ସଲିଳ,ମୁଁ ତୋର ନଈ |     

ତୁ ଅଟୁରେ ସୂରୁଜ,ମୁଁ ଏକ ଖଦ୍ୟୋତ,       

ତୁ ବିଶାଳ ନଭ,ମୁଁ ଖଣ୍ଡେ ଜିମୂତ |     

ତୁ ମହାଜ୍ଞାନୀ,ମୁଁ ମୁଢମତି          

ତୁ ମହାଶକ୍ତି,ହେଲେ ମୁଁ କ୍ଷୀଣ ଭକ୍ତି |    

ତୁ ଅଚଳ ମେରୁ,ମୁଁ କ୍ଷୁଦ୍ର ବାଲୁକା        

ତୁ ବ୍ରହ୍ମାଣ୍ଡଧାରୀ,ମୁଁ ଏକ କଣିକା |     

ତୋର ଏ ଜଗତ,ମୁଁ ତୋ ଜଗତର        

ତୁ ପରମେଶ୍ୱର, ଆଉ ମୁଁ ଛାରନର |      

ମୁଁ ହେଲେ ଶରୀର,ତୁ ମୋର ଆତ୍ମା ,     

ସାରା ସଂସାରର ତୁ ପରମାତ୍ମା |      

ମୁଁ ହେଲେ କୁସୁମ, ତୁ ମୋର ବାସ୍ନା        

ତୁ ମୋର କ୍ରିଷ୍ଣା,ମୁଁ ତୋ ସୁଦେଷ୍ଣା |    

ତୋ ପାଦେ କରେ ମୁଁ କୋଟି ନମସ୍କାର      

ଶେଷ ସମୟରେ ସାଥେ ଥିବୁ ମୋର |    

ମୁଁ ହେଲେ ପୂର୍ଣ୍ଣିମା,ତୁ ମୋ ପୂର୍ଣ୍ଣ ଚାନ୍ଦ       

ଘେନ ମୋ ପ୍ରଣତି, ରେ ଦୋଳଗୋବିନ୍ଦ |