କାହାକୁ ସୁନ୍ଦର କିଏ

ଆକାଶକୁ ଜହ୍ନ କିଆରୀକୁ ଧାନ          

ଦେଉଳ ସୁନ୍ଦର ଦିଅଁ         

ସାଆରଙ୍କୁ ବେତ ନାଉରୀକୁ କାତ        

ନଈକୁ ସୁନ୍ଦର ସୁଅ |         

ପୂଜାକୁ ଦୀପାଳି ମନ୍ଦିରକୁ ମାଳୀ         

ଗଛକୁ ସୁନ୍ଦର ଫଳ         

କୋଳକୁ ବାଳୁତ ଚାଟ ମୁଖେ ପାଠ        

ପୋଖରୀ ସୁନ୍ଦର ଜଳ |       

ସଙ୍ଗୀତକୁ ସ୍ୱର କନିଆକୁ ବର         

ପକ୍ଷୀକୁ ସୁନ୍ଦର ପର         

ଘରକୁ ଘରଣୀ ହାଣ୍ଡିକୁ ଘୋଡଣୀ        

ବଗିଚା ସୁନ୍ଦର ଫୁଲ |        

କୁଟୁମ୍ବକୁ ଭାତ ଗ୍ରାମେ ପଞ୍ଚାୟତ         

ରାଜ୍ୟକୁ ସୁନ୍ଦର ରାଜା         

ଅତ୍ୟନ୍ତ ସୁନ୍ଦର ନିର୍ମଳ ଶାସନ         

ଭଲ ପାଳୁଥିଲେ ପ୍ରଜା |       

ମେଘକୁ ବିଜୁଳି ସଭା ମଧ୍ୟେ ତାଳି         

ଘରକୁ ଯେ ପରିବାର         

ଦୁନିଆ ସୁନ୍ଦର ଥିଲେ ଆମ ମନେ        

ସ୍ନେହ ଶ୍ରଦ୍ଧା ଆପଣାର |       

ଜେଜେଙ୍କୁ ସୁନ୍ଦର ବଂକୁଲି ବାଡ଼ି         

ଅଫିସରଙ୍କୁ ଯେ ଗାଡି         

ସୁନ୍ଦର ଆମ ଜୀବନ ହୋଇବ         

ଥିଲେ ଭଲ କାମ କରି ||