ସମାଧି

ଗାଁ ମଶାଣିରେ ଜୁଇ ଜଳିଯିବ

ସାଜିବିମୁଠେ ପାଉଁଶ

ପାଉଁଶ ତଳେ ବି ଥାଇ ଝୁରୁଥିବି

ତୁମରି ମିଠା ପରସ ।

କେଉଁ ଦିନ ଯଦି ବାଟଭୁଲି ତୁମେ 

ସେଇ ବାଟେ ଯାଉଥିବ

ମୋ ସମାଧି ଆଡ଼େ ଟିକେ ଚାହିଁ ମୋତେ

ଦୁଇ ଟୋପା ଲୁହ ଦେବ ।

ଏ ଜନ୍ମରେ ସିନା ତୁମକୁ ଆଉ ମୁଁ

ପାରିବିନି କେବେ ଛୁଇଁ

ତୁମ ଲୁହ ଯେବେ ସମାଧି ଛୁଇଁବ

ପାଉଁଶୁ ଉଠିବି ଚେଇଁ ।

ଦେଖି ପାରିବନି ତୁମେ ସିନା ମୋତେ

ତୁମକୁ ମୁଁ ଦେଖୁଥିବି

ମନ ଭରି ଆମ ପୁରୁଣା ସ୍ମୃତି କୁ

ମନେ ମନେ ଭାବି ଭାବି ।

ମୋ କଥାକୁ ଭାବି କାନ୍ଦିବନି ଜମା

ରାଣ ମୁଁ ଯାଉଛି ଦେଇ

ମୋ ଛବିକୁ ଦେଖି କୋହେ ଭିଜିବନି

ଆଖିର ଲୁହ ଲୁଚାଇ ।

ଝୁରିବନି ଜମା ମୋ ଆଦର ଯତ୍ନ

ଢାଳିବନି ଲୁହ ଧାର

ଭୁଲି ଯିବ ନାହିଁ ଚାଲି ଯାଉଛି ମୁଁ

ତୁମଠୁ ଅନେକ ଦୂର ।