ସୀତା ବିବାହ ( ଗୀତି ରାମାୟଣ ଭାଗ-୬

ରାମ ଲକ୍ଷ୍ମଣ ସହ ବିଶ୍ଵାମିତ୍ର,  

ମିଥିଳାରେ ହେଲେ ଆସି ପ୍ରବେଶ

ରାମ ଆସିବାର ଜାଣି ପ୍ରକୃତି,

  ଶୋଭା ନନ୍ଦନ ବନ ର ଆକୃତି,

ନଗରୀ,  ସେ କି ନବ ନାଗରୀ, 

 ଦିଶେ ତେମନ୍ତ ମିଥିଳା ସୁନ୍ଦରୀ ।

ମିଥିଳା ରାଜ କୁମାରୀ ମୈଥିଳୀ,  

ସ୍ଵୟମ୍ଵର ସଜ ଲାଗେ ଗହଳି

ଦ୍ଵାରେ ଦ୍ଵାରେ ରମ୍ଭା ତରୁ ମଣ୍ଡିତ, 

 ପୂର୍ଣ୍ଣକୁମ୍ଭ ତଳେ ରତନ ଦୀପ

ଉପମା,ଅନବଦ୍ୟ ସୁଷମା, 

 ଅଳକା ଭୁବନ ନୁହେଁ ତୁଳନା ।

ମିଥିଳା ନଗରୀ ରାଜା ଜନକ

,କରିଛନ୍ତି ବଡ ଯାକ ଯମକ

ଭୂମି ସୁତା ସୁକୁମାରୀ “ସୁନ୍ଦରୀ, ପାଇଁ

” ସ୍ଵୟମ୍ଵର ଅଛନ୍ତି କରିବିବାହ,

ଯେହୁ ଶିବଧନୁ ରେ, ଗୁଣ ଦେବ ସୀତା ବରିବେ ତାରେ ।

ଆସିଛନ୍ତି ବହୁ ରାଜ କୁମର, 

ଯକ୍ଷ,ରାକ୍ଷସ,ଦେବତା ଆବର  

ଦେବ ରୁଷି,ଗନ୍ଧର୍ବ ଯେ ସକଳ, 

ରୁଣ୍ଡ ହୋଇଛନ୍ତି ଯେ ସଭା ସ୍ଥଳ

ଶ୍ରୀରାମ, ବିଶ୍ଵାମିତ୍ର ଲକ୍ଷ୍ମଣ,

 ଉପଗତ ଆସି ସଭା ସଦନ ।

ସଭାରେ ଉଦିତ “ଭାନୁ ସମାନ, ଶ୍ରୀରାମ”

ଜାନକୀ ସତେ କି ଜହ୍ନ

ମଧ୍ୟେ ଶିବ ଧନୁ ଘନେ ବିଜୁଳି, 

ଶୋଭା ଅବର୍ଣ୍ଣନ ଅଳକା ପୁରୀ

ବୈକୁଣ୍ଠ, ତେଜିଣ ନାରାୟଣ,

 ଲକ୍ଷ୍ମୀ ଙ୍କ ସହିତ ଅବା ଆସିନ ।

ସ୍ଵୟମ୍ଵର ସଭା ରାଜା ଜନକ,

 ସମ୍ଵୋଧି କୁହନ୍ତି ହେ ସଭା ସଦ

ଯେହୁ ଶିବଧନୁ କରିବ ଭଗ୍ନ, 

ବରଣ ମାଳା ତା ଗଳେ ଶୋଭନ

ହୋଇବ, କନ୍ୟା ମୋ ବଈଦେହୀ

, ବରିବ ବରଣ ମାଳା ପିନ୍ଧାଇ ।

ପ୍ରୟାସେ ହୋଇଲେ ସର୍ବେ ନିଷ୍ଫଳ, 

ଲାଜେ ମୁହଁ ପୋତି ଦେଲେ ସକଳ

ଲଙ୍କାର ରାଜନ ବିଶ୍ରବା ସୁତ,

 ଉଠାଇ ନପାରି ଧନୁ ରାକ୍ଷସ

ଲାଜରେ, ସଭାରୁ ପଳାଇଲା,

 ବିଶ୍ଵାମିତ୍ର ରମେ କୁହନ୍ତି ଭଲା ।

ପ୍ରଭୁ ବୀର ରାମ ଚନ୍ଦ୍ର ଠାକୁର,

ଶିବଧନୁ ଯାଅ ଧାରଣ କର

ଏ ଅଟଇ ପରା ବିଧି ନିର୍ବନ୍ଧ,

ରାମ ସୀତା ଯୁଗ ଯୁଗ ସମ୍ଵନ୍ଧ

ଆଦେଶ,  ଦିଅନ୍ତି ବିଶ୍ଵାମିତ୍ରି, 

ଧନୁ ପାସେ ଶ୍ରୀରାମ ଉପଗତ ।

ସୀତୟା ରାମଙ୍କୁ ଦେଖି ବିହ୍ଵଳ, 

ନବ ଦୂର୍ବାଦଳ ରାମ ଶରୀର

ରାଜିବ ଲୋଚନ ମୁଖାରବିନ୍ଦ,

ଝଟକଇ ଜ୍ୟୋତି ସହସ୍ର ସୂର୍ଯ୍ୟ

ସତେକି, ଭାଙ୍ଗିବେ ଶିବଧନୁ,

ଭୁଲି ହୁଏ ନାହିଁ ସେ ରୂପ ମନୁ ।

ସଖୀ ଙ୍କୁ କୁହନ୍ତି ମନର କଥା,

କୁହ ସଖୀ(ୟେ) ମାନବ କି ଦେବତା

କୋଟି କନ୍ଦର୍ପ ନୋହିବ ସମାନ,

ରୂପ ଆହା ସତେ କି ଅନୁପମ ମୋ ମନ, 

ହେଉଅଛି ଉଛନ୍ନ, ସତେକି ଏ ହେବେ ମୋ ପ୍ରାଣଧନ ।

ଏବେଳେ ଶ୍ରୀରାମ ଧନୁ ମଣ୍ଡପେ,

ଉପଗତ ହୋଇ ଧନୁ ସମ୍ମୁଖେ

ଚିନ୍ତି ପୂର୍ବ ପୁରୁଷ ଙ୍କ ପୟରେ, 

ମହାଦେବ ନାମ ସ୍ମରି ମନରେଧରିଲେ, 

ଶିବଧନୁ ଆକର୍ଷି, ଦେଖି ସଭାସଦ ହୁଅନ୍ତି ଖୁସି ।

ଗୁଣ ଦେଲେ ଯେବେ ପ୍ରଭୁ ଶ୍ରୀରାମ,

ଦୁଇଖଣ୍ଡ ହେଲା ସେ ଧନୁ ଜାଣ

ସଭା ସ୍ଥଳ ଯେ ଉଛୁଳି ପଡିଲା,

ନାଦ ଶଦ୍ଦେ ତ୍ରିଭୁବନ କମ୍ପିଲା ଦେବତା, 

ପୁଷ୍ପ ବୃଷ୍ଟି କରିଲେ, ଗନ୍ଧର୍ବେ ମର୍ଦଳ ବାଇ ନାଚିଲେ ।

ଦେଖି ବିଶ୍ଵାମିତ୍ର ହେଲେ ସନ୍ତୁଷ୍ଟ, 

ଲକ୍ଷ୍ମଣ ଙ୍କ ମନ ହୋଇଲା ହୃଷ୍ଟ

ଏହା ଦେଖି ରାଜା ରାଣୀ ଆନନ୍ଦ, 

ସୀତା ମନ ଆକାଶରେ କି ଚାନ୍ଦ

ଉଦୟ, ହୋଇଲା କି ସହସା,

ପୁରଣ ହୋଇଲା ମନର ଆଶା ।

ସୀତା ବିବାହ ପବିତ୍ର କାହାଣୀ, 

ପ୍ରଫୁଲ୍ଲ ରଚିଲା ଗୀତ ରେ ଜାଣି

ରାମ ସୀତା ପଦାମ୍ଵୁଜ “ଶରଣ, ଯାଇ”

ଭାଙ୍ଗିଲି ଗୀତି ରାମାୟଣ

ବିବୁଧେ, ଦୋଷା ଦୋଷ ନଧରିବ,

ପଢି ଯମ ଦଣ୍ଡୁ ପାର ହୋଇବ ।