ପାଇବା ଆଶାରୁ ପ୍ରାପ୍ତିର ଠିକଣା
ପାଇବା ଆଶାରୁ ପ୍ରାପ୍ତିର ଠିକଣା
ଛାମୁଙ୍କ ପ୍ରାସାଦେ ଠିଆପାଲା ଦେଖି
ହୁରି ପଡେ ଗାଆଁ ଦାଣ୍ଡେ,
ନଟ ନାଗର ଯେ ନାଟକୁ ଲଗାଇ
ଦେଖେ ବସି ବ୍ରହ୍ମାଣ୍ଡେ ।
ନ ଜାଣନ୍ତି କେହି ସୂତ୍ର ଧାରା ସେହି
ନିଜ ନାଟେ ଯେ ନାୟକ,
ବାନ୍ଧିଛି ଏମିତି ଡୋରି ଲଗେଇଛି
ଛାଡ଼ି ହୁଏ ନାହିଁ ପଥ ।
ଛାମୁଙ୍କ ଆଦେଶ ଶୁଣି ଏ ଚାତକ
ଅପେକ୍ଷାରେ ଟିକେ ସୁଖ,
ମାସ ତ ପୁରିଲା କାଳ ପହଞ୍ଚିଲା
କୋଶେ ଦୂରେ ଥିଲା ସୁଖ ।
ପ୍ରଜା ଆଡୁଆଳେ ଭୁଲି ଗଲ କିସ
କହି ଥିଲ ସେ କ୍ଷଣେ,
ଅନୁକମ୍ପା କରିଥିଲି ହେ ରାଜନ
କିବା ନ ପଡିଲା ମନେ ?
ତୁମ୍ଭ ଅଗଣାରେ ଟେକି ଦେଇ ହାତ
ଯାଚନା କରିଛି ନାଥ,
ତୁମ୍ଭ ନାମ ଗାଇ ଚାଲିଛି ଜୀବନ
ପାଇବାକୁ ତୋର ତୀର୍ଥ ।
ଲୋଡ଼ା ନଥିଲା ଯେ ମାଣିକ ରାଜନ
ବିଭବର ଅଧିକାର,
ଆଡ଼ମ୍ବର ଥିଲା କର୍ମ ହେ ରାଜନ
ନିଜକୁ ତ ଗଢିବାର ।
ଜାଣିଲି ଜୀବନ ବିରାଟ ଯେସନେ
ଭୋକ ଠାରୁ ଶତ୍ରୁ ନାହିଁ ,
ଆକାଶେ ଅମ୍ବର ମା' ର ଛାତିରେ
କଟେ ମୋ ଜୀବନ ଯୂଇ ।
ସଂସାର ସାଗରେ ଧରି ଥିଲି ନାଆ
ତୋର ଆଦେଶକୁ ପାଇ,
ଏଡେ ହଟହଟା ଛାମୁଙ୍କର କୃପା
ଦେଖା ନ ମିଳିଲା ତହିଁ ।
ଯାଏ କିଛି ବାଟ ଫେରେ ବହୁ ବାଟ
ଧରି ମୋ ଜୀବନ ନଟି,
ବତାସ ଆସିବ ଲହଡି ଭାଙ୍ଗିବ
ସରି ଯିବ ମୋର ରାତି ।
ଜାଣିଛି ଜୀବନ କଣ୍ଟକିତ ପୂର୍ଣ୍ଣ
ମୃତ୍ୟୁ ଠାରୁ ସୁଖ ନାହିଁ,
ଶେଷ ନିଦ୍ରା ଯାହା ଅନନ୍ତ ଦିନର
ନୀରବରେ ଆସେ ଧାଇଁ ।।