ଅଭିଲେଖ
ଅଭିଲେଖ
ଆସକ୍ତିର ଦୀପ ଲିଭିନି ମନରୁ
ଲିଭାଉଛି ଧିରେ ଧିରେ
ନିରବ ହେଉଛି ନିଶ୍ୱାସର ଗତି
ନିଜେ ହଜିଗଲା ପରେ I
ଅନ୍ତର ତଳେ ମୋ କେତେ ଯେ ପ୍ରଶ୍ନ
ଉତ୍ତର କିଏବା ଦେବ ?
ଜୀବନର ଶେଷ ନିଶ୍ୱାସ ପର୍ଯ୍ୟନ୍ତ
ମନ ଘାଣ୍ଟି ହେଉଥିବ I
ନିଜେ ପଚାରୁଛି ନିଜକୁ ପ୍ରଶ୍ନ
ଉତ୍ତର ମିଳେନା କିଛି
ମୋ ପ୍ରଶ୍ନ ଉତ୍ତର ଯିଏ ବା ଦିଅନ୍ତା
ସିଏ ନିଜେ ପ୍ରଶ୍ନବାଚୀ I
ଏତେ ଅଘଟଣ ଘଟିଗଲା ବୋଲି
ମନେ ଭରା ଅବୋସୋସ
ଅମୃତ ସନ୍ଧାନ କଲାବେଳେ ଯାହା
ମିଳିଗଲା କିଛି ବିଷ I
ସମୟର ଚକ ଗଡି ଗଡି ଯାଏ
କ୍ଷୀଣ ହୋଇଯାଏ କାୟା
ବେଳ କି ଅବେଳ ଜଣା ପଡେନାହିଁ
ଘାରିଛି ସଂସାର ମାୟା I