ଶୁଆଇ ଦିଅନା ପବିତ୍ର ଆଶାକୁ

ଭାରତ ସୀମାନ୍ତ   ହେଉଛି ଅଶାନ୍ତ

    ଶତ୍ରୁ ଉଠିଲାଣି ମାତି

ସତର୍କ ସଜାଗ    ଭାରତ ସୈନିକ

    ନାଶିବ ହୀନ ଅରାତି ।

ଡ଼ରିବ ନାହିଁ ସେ   କାହାର ଧମକେ

     ସହିବନି ନାଲି ଆଖି

ସ°ହାର କରିବ    ହୋଇ କାଳଯମ

    ପାତିବ ସ°ଗ୍ରାମେ ଛାତି ।

ସିଂହ ସମ ଯୁଦ୍ଧେ   ଛାଡିବ ହୁଙ୍କାର

     ଖେଳିଯିବ ରକ୍ତେ ହୋଲି

ଗୋଟି ଗୋଟି ଶତ୍ରୁ   ମୁଣ୍ଡକୁ ମୋଡିବ

     ଦେବ ପଛେ ଆତ୍ମବଳି ।

ପଛଘୂଞ୍ଚା ନାହି

Advertisement

ଁ    ବୀରର ଜାତକେ

     ନୁହେଁ ସିଏ କାପୁରୁଷ

ଲଢିପାରେ ସିଏ   ସମ୍ମୁଖ ସମରେ

     ବିଶ୍ୱାସେ ଦିଏନି ବିଷ ।

ରହିଛି ଜାଗ୍ରତ     ସଦା ସୁପ୍ରସ୍ତୁତ

     ସୈନିକ ବୀର ଅର୍ଜୁନ

ମାନିବନି ସିଏ    ପର୍ବତ ବନ୍ଧୁର

      ପ୍ରକୋପ ଶୀତ ବନ୍ଧନ ।

ଶୁଆଇ ଦିଅନା    ପବିତ୍ର ଆଶାକୁ

      ଜାଳିଦିଅ ଦେଶପ୍ରେମ

ପ୍ରିୟ ଦେଶବାସୀ   କୃଷକ ଶ୍ରମିକ

     ରଣବୀର ହେ ଜବାନ ।l