ସାହିତ୍ୟିକ ବନ୍ଧୁଗଣଙ୍କୁ ପଦେ

ସମସ୍ୟା ରହିଛି ଓ ରହିବ, ସମାଧାନ ତାର ମଧ୍ୟ 

ଅଛି, ଲଢ଼ିବା ବିବ୍ରତ ନହୋଇ

ଭାଙ୍ଗିବାନି, ଭାବନା ରହିବ ଯଦି ଆସିଛି ମୁଁ ଏକା, 

ଜିବି ବି ଏକା, ସଙ୍ଗେ କେହି ଯିବେ ନାହିଁ ।

ଜୀବନର ଅନ୍ୟ ନାମ ତ ସଂଘର୍ଷ, ସଂସାରରେ ଘର 

କରିଥିଲେ ପଥର ପଡିଲେ ସହି

ଆସୁ ଯେତେ ବାଧାବିଘ୍ନ, ମନ ପ୍ରାଣ ଦେଇ କରିବା

କର୍ମ କର୍ତ୍ତବ୍ୟ କେବେ ବିବ୍ରତ ନହୋଇ  ।

ଜୀବନ ପାଇଁ ଧନ, ଜନ, ନିଜ ସ୍ୱାର୍ଥ ଚିନ୍ତା ଲୋଡା

ଅତି ଧନ ଲୋଭ ବିପଦ ତ ଆଣେ 

ଯେତେ ଜ୍ଞାନ ଥାଇ କିଛି ଲାଭ ନାହିଁ ଅବିଶ୍ୱାସୀକୁ

ଯିଏ ଵିଶ୍ୱାସ କରିଥାଏ ନିଜ ଜୀବନେ ।

ଅବଶ୍ୟ ଧନ କରେ କିଛି ଚାହିଦ ପୂରଣ, ହେଉ 

ପଛେ ମଣିଷର ଅଢେ଼ଇ ଦିନର ଜୀବନ

ଅତି ଲୋଭେ, କର ଯଦି ଏମିତି କର୍ମ ଆସିବ ମରଣ, 

ଜାଣିନକି ଲିଓ ଟଲଷ୍ଟୟଙ୍କର ଗପ ଉପାଖ୍ୟାନ ।

କଥା ଅଛି ଆବେ ପର୍ଶୁ ଯାବେ ପର୍ଶୁ ବାବୁ ପର୍ଶୁରାମ 

ପଇସା କଣ ନ କରେ କାମ

ତେଣୁ ମନ ମଧ୍ୟରେ ଅଛି ଆଜିକା ଯୁଗରେ ଧନ ସବୁ 

କିଛି, ଧ୍ୱଂସ କରିଛି ସ୍ନେହ ଓ ପ୍ରେମ ।

ଆହେ ସାହିତ୍ୟିକ ବନ୍ଧୁଗଣ, ତୁମେ କବି, ପ୍ରବନ୍ଧକାର

ଏବଂ ତୁମେ ଶିକ୍ଷକ ଏହି ସମାଜର, 

ନୂତନ ଦିଗନ୍ତ ଦେଖାଇ ପୁଂଜିର ପ୍ରାଧାନ୍ୟକୁ ପରାହତ

କରି ସମୃଦ୍ଧ କର ବାଣୀ ଭଣ୍ଡାରକୁ ଉତ୍କଳର  ।