ରକ୍ଷା ବନ୍ଧନ

ପବିତ୍ର ବନ୍ଧନ ସେ ରକ୍ଷା ବନ୍ଧନ

କେବେ ଠାରୁ ଚାଲିଅଛି

ବିପଦରେ ଅବା ଆଶା ପୂର୍ଣ୍ଣ ପାଇଁ 

ବିଶ୍ଵାସଟି ରହି ଅଛି ।।

ସ୍ୱର୍ଗ ରକ୍ଷା ପାଇଁ ଇନ୍ଦ୍ର ହାତେ ସଚ୍ଚି

ବାନ୍ଧି ଥିଲେ ସୂତା ଖିଅ

କାନିଟିରେ କୃଷ୍ଣା କୃଷ୍ଣଙ୍କୁ ବାନ୍ଧିଲେ

ବୁହାଇ ଆଖିର ଲୁହ ।।

ପଦ୍ମିନୀ ବାନ୍ଧି ଥିଲେ ରାକ୍ଷୀ ନବାବଙ୍କୁ

ରାଜ୍ୟ ନିରାପତ୍ତା ନେଇ

ସୁଭଦ୍ରା ବାନ୍ଧନ୍ତି ଜଗା ବଳିଆଙ୍କୁ

ଭଉଣୀ ସୁରକ୍ଷା ପାଇଁ ।।

ଯମୁନା ବାନ୍ଧି ଥିଲା ଯମଙ୍କ ହାତେ

ପୂର୍ଣ୍ଣ ନଦୀ ହେବା ପାଇଁ

ଭଉଣୀ ବାନ୍ଧଇ ଭାଇର ହାତରେ

ନିଜର ସୁରକ୍ଷା ପାଇଁ ।।