କବି ଗଙ୍ଗାଧର ମେହେର

ଶୁଣ ପିଲାମାନେ ସ୍ମରୁଛି ଆଜି ମୁଁ ଉତ୍କଳର 

ମହାନ୍ ସାହିତ୍ୟିକ ଗଙ୍ଗାଧରଙ୍କୁ 

ନିଜ ପୈତୃକ କାର୍ଯ୍ୟରେ ଅଭ୍ୟସ୍ତ ଓ ବ୍ୟସ୍ତ

ଥିଲେ ବି ଉଠିଛନ୍ତି ଉଚ୍ଚ ଶିଖକୁ ।୧।

ଥିଲେ ପିଲା ଦିନେ କବି ଗଙ୍ଗାଧର ଖୁବ୍ 

ଧୀର ଶାନ୍ତ ସ୍ୱଭାବର 

ଉଜ୍ଜଳି ଥିଲେ ସେ ମହନୀୟତା ଜାଗି ଉଠି 

ଥିଲା ବାଲ୍ୟ କାଳରୁ ତାଙ୍କର ।୨।

ପିତା ଶିକ୍ଷା ଆରମ୍ଭିଲେ ଓ ତାଙ୍କୁ ନାମରତ୍ନ 

ଗୀତା ପଢ଼ାଇ ଥିଲେ  

ଚାଟଶାଳୀରେ ଭାଗବତ ମଥୁରା ମଙ୍ଗଳ  

ପଣିକିଆ ଆଦି ପଢ଼ିଲେ ।୩।

ଇଂରାଜୀ ଶିକ୍ଷା ଲାଭ କରିବା ନଥିଲା ତ 

ତାଙ୍କର ଭାଗ୍ୟରେ

ସୀମାବଦ୍ଧ ଥିଲା ରାମାୟଣ (ବଳରାମ 

ଦାଶଙ୍କ) ରଘୁବଂଶରେ ।୪।

ମେଧାବୀ ଛାତ୍ର ଥିବା ସତ୍ତ୍ବେ ବ୍ୟବସ୍ଥା ଯୋଗୁ 

ସମାପ୍ତି ଘଟିଲା ଉଚ୍ଚତର ଶିକ୍ଷାରେ

ପାଠ ବୋଲି ଥିଲା ଲାବଣ୍ୟବତୀ ସୁଭଦ୍ରା ପରିଣୟ  

ବୈଦେହୀଶବିକାସ ଓ ରସ କଲ୍ଲୋଳରେ ।୫।

 

ସୁତ୍ରସାର ଓ ସିଦ୍ଧାନ୍ତ ଚନ୍ଦ୍ରିକା ବ୍ୟାକରଣ ସୁତ୍ର

ଗୁଡ଼ିକ ମଧ୍ୟ ଅଭ୍ୟାସ କରି ନେଇଥିଲେ 

ତାଙ୍କର ସାରସ୍ୱତ ଚକ୍ଷୁର ଦିବ୍ୟ ଦର୍ଶନ ବଳରେ 

ମୂଲ୍ୟବାନ ଗ୍ରନ୍ଥ ସବୁ ରଚନା କରି ପାରିଥିଲେ ।୬।

କବିଙ୍କର ଶ୍ରେଷ୍ଠ ଓ ସଫଳ କାବ୍ୟ ପ୍ରତିଭା ପରିସ୍ଫୁଟିତ 

ହୋଇଛି ପ୍ରଣୟ ବଲ୍ଲରୀ କାବ୍ୟରେ ।

ତପସ୍ଵିନୀ ଓ ଦୁଷ୍ମନ୍ତ ଓ ଶକୁନ୍ତଳାଙ୍କର ଅମର

ପ୍ରେମ କାହାଣୀରେ ।୭।

ଜନମିଲେ ସ୍ଵଭାବ କବି ଗଙ୍ଗାଧର ୧୮୬୨ ମସିହା 

ଅଗଷ୍ଟ ୯ ସମ୍ବଲପୂରର ବରପାଲି ଠାରେ 

ସେହି ମହାନ୍ ସ୍ରଷ୍ଟାଙ୍କର ତିରୋଧାନ ହୋଇଥିଲା  

୧୯୨୪ ମସିହା ଏପ୍ରିଲ ୪ ତାରିଖରେ ।୮।

ଦୁଃଖର ଅନ୍ଧକାର ଭରି ଦେଇ ଥିଲେ ପ୍ରତ୍ୟେକ

ଓଡ଼ିଆଙ୍କ ପ୍ରାଣରେ

ଏ ଓଡିଆ ଜାତି ଚିର ପ୍ରଣାମ କରୁଥିବ ସେହି 

ଅମର ସାଧକଙ୍କ ପାଦ ପଦ୍ମରେ ।୯।