ରଖିଲି ସାଇତି

ମନ କାଗଜରେ

ଅସରା ଲୁହରେ

ଲେଖୁଛି ତୋତେ ମୁଁ ଚିଠି

ଭାବୁଛି ବହୁତ

ଲେଖୁଛି ଅଳପ

ସାଉଁଟି ଅଭୁଲା ସ୍ମୃତି।(୧)

ଦେଖିଥିଲି ଦିନେ

ଗାଁଆ ନଈ ତୁଠେ

ପାଖକୁ ଆସିଲୁ ଚାଲି

ଦେଖି ତୋର ରୂପ

ହେଲି ବିମୋହିତ

ମନକଥା କହିଦେଲି

କେବେ ହେବୁ ରାଣୀ

ସୁନ୍ଦରୀ ତରୁଣୀ

କହିଦେ ତୁ ମୋତେ ପ୍ରୀତି ।(୨)

ଚାହାଣୀତ ତୋର

କିମିଆଁ ନଜର

ଯାଦୁ କରିଦେଲା ମୋତେ

ଶୟନେ ସପନେ

ଅବା ଜାଗରଣେ

ଖୋଜିଲି ସୁନ୍ଦରୀ ତୋତେ

ଭୁଲି ପାରିଲିନି

ତୋ ପ୍ରେମ ସରାଗ

ଅଧିରେ ଭାବିଲି ନିତି । (୩)

ଭଲ ପାଇଥିଲି

ଆପଣାର କଲି

ସେନେହ ସୋହାଗ ଦେଇ

ସମୟ ସୁଅରେ

ସବୁ ଭାସିଗଲା

ଦେଖା ପାଇଲିନି ମୁଁହିଁ

ମନ ତଳ କଥା

ଛାତି ତଳ ବ୍ୟଥା

ପ୍ରାଣେ ରଖିଲି ସାଇତି ।(୪)